රත්නපුර දිස්ත්‍රික්කයේ අතිදුෂ්කර පාසල් සඳහා තොරතුරු තාක්ෂණය නංවාලීමේ අරමුණින් සබරගමුව පළාත් අධ්‍යාපන අමාත්‍යාංශය මගින් රුපියල් ලක්ෂ 2460ක් වටිනා උපකරණ පද්ධති ප්‍රදානය, සබරගමුව පළාත් ආණ්ඩුකාර චම්පා ජානකී රාජරත්න සහ රත්නපුර දිස්ත්‍රික් සම්බන්ධීකරණ කමිටුවේ සම සභාපති පාර්ලිමේන්තු මන්ත්‍රී ශාන්ත පත්මකුමාර යන මහත්ම මහත්මීන්ගේ ප්‍රධානත්වයෙන් සබරගමුව පළාත් සභා ශ්‍රවණාගාරයේදී පසුගිය දා පැවැත්විණි.

ඩෙංගු රෝග ව්‍යාප්තිය පාලනය කිරීමේ අරමුණින් මාතර නගරයේ ස්ථාන 89ක් පිරිසිදු කිරීමේ විශේෂ වැඩසටහනක් ඊයේ (21) මාතර නගරයේදී පැවැත්විණි.

ඉඩම් බලපත්‍ර 10,731ක් ප්‍රදානය කිරීමේ වැඩසටහන යටතේ බදුල්ල දිස්ත්‍රික්කයේ , රිදීමාලියද්ද, මහියංගණය, සොරණාතොට, මීගහකිවුල සහ කන්දකැටිය ප්‍රාදේශීය ලේකම් කොට්ඨාසවල ප්‍රතිලාභීන් 1,841 දෙනෙකුට ඉඩම් බලපත්‍ර ප්‍රදානය කිරීමේ වැඩසටහන වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න මහතාගේ සහභාගීත්වයෙන් ඊයේ (19) සාර්ථකව පැවැත්විණි.

මහියංගණ ආසනයේ රිදීමාලියද්ද ප්‍රදේශයේ දරුවන් හා තරුණ පරම්පරාවේ ක්‍රීඩා කෞශල්‍යයන් වර්ධනය කිරීමේ අරමුණින් රුපියල් මිලියන 80ක වටිනාකමින් යුත් අංගසම්පූර්ණ ක්‍රීඩාංගණයක් ඉදිකිරීමට සැලසුම් කර තිබේ.

කෝපායි පොලිස් ස්ථානය සඳහා සියලු පහසුකම්වලින් සමන්විත නව ගොඩනැගිල්ලක් මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතාගේ ප්‍රධානත්වයෙන් ඊයේ (14) විවෘත කෙරිණි.