පාසැල් සඳහා විදුහල්පතිවරුන් පත්කිරීමේදී සියලුම පාසල් වලට අනුගමනය කරන්නේ එකම ප්‍රතිපත්තියක්, එකම ක්‍රමවේදයක් බව අග්‍රාමාත්‍ය ආචාර්ය හරිනි අමරසූරිය පැවසුවා ය.

කලා ක්ෂේත්‍රයේ ප්‍රවිණයකු මියගිය විට ඔහුගේ හෝ ඇයගේ දේහය තැන්පත් කිරීම සඳහා ජාතික කලා භවන වෙනුවට උසස් තත්ත්වයෙන් යුතු අවමංගල්‍ය ශාලාවක් ඉදිකිරීමට ආණ්ඩුව තීරණය කර ඇතැයි බුද්ධ ශාසන , ආගමික හා සංස්කෘතික කටයුතු අමාත්‍ය මහාචාර්ය හිනිදුම සුනිල් සෙනෙවි මහතා පාර්ලිමේන්තුවේදී ඊයේ (09) ප්‍රකාශ කළේය.
ජාතික ජනබලවේගයේ පාර්ලිමේන්තු මන්ත්‍රී සේන නානායක්කාර මහතා මතු කරන ලද ප්‍රශ්නයකට පිළිතුරු දෙමින් ඇමතිවරයා මේ බව සඳහන් කළේය.

ජාතික කලාභවන තවම හරිහැටි පිළිසකර කර ගන්න අපට බැරිවුණා. ජාතික කලාභවන තමයි අපේ රටේ කලාකරුවන්, වටිනා මිනිසුන්, දැවැන්තයන් මිය ගිය විට අවසන් හෝරා දෙක තුන ගත කරන්න භාවිතා කලේ. අපේ බලාපොරොත්තුවක් තිබෙනවා එය නිවැරදි කරන්න. ඉන් මා අදහස් කලේ රජයේ වෙනම අනුග්‍රහය සහිත ඉතා හොඳ මට්ටමේ පාලර් එකක් ඒ වෙනුවෙන් වෙන් කරලා ජාතික කලා භවන රටක ජාතික කලා භවන ලෙසම වැඩ නිමකරලා රටට දායාද කරන්න.

මාතර ප්‍රදේශයේ ඇඟලුම් කර්මාන්ත ශාලාවක ඇති වී තිබෙන සිදුවීම සම්බන්ධයෙන්  මැදිහත්වීමට  අමාත්‍යාංශ ලේකම්වරයාට සහ කම්කරු කොමසාරිස්වරයාට උපදෙස් ලබා දුන් බව කම්කරු නියෝජ්‍ය අමාත්‍ය මහින්ද ජයසිංහ මහතා පැවසීය.

අසාධාරණයට ලක් වූ ජනතාවට සාධාරණය සහ යුක්තිය ඉටු  කිරීමට රජය බැඳි සිටින බව අග්‍රාමාත්‍ය ආචාර්ය  හරිනි අමරසූරිය පැවසුවාය.

රජය බිත්තර සඳහා නව වැට් බදු පනවා නැති බවත්, ජනතාවට සහ නිෂ්පාදකයන්ට සහණ ලබාදීමට රජය උත්සාහ කටයුතු කරමින් සිටින බව මුදල් සහ ක්‍රම සම්පාදන නියෝජ්‍ය අමාත්‍ය හර්ෂණ සූරියප්පෙරුම මහතා අද(09) පාර්ලිමේන්තුවේදි පැවසීය.

පාර්ලිමේන්තුව අද පෙ.ව 9.30ට රැස්වෙයි.

පොලිස්පති ටී. එම්. ඩබ්ලිව්. දේශබන්දු තෙන්නකෝන් මහතා සිය තනතුරින් ඉවත් කිරීම සඳහා පරීක්ෂණ කමිටුවක් පත් කළ යුතු බවට වූ යෝජනාව, අද (08) පාර්ලිමේන්තුවේදී සම්මත විය.

අපරාධයකින් උත්පාදිත දේ පිළිබඳ පනත් කෙටුම්පත දෙවැනිවර කියවීමේ විවාදය අද පැවැත්විණි.

ආණ්ඩුක්‍රම ව්‍යවස්ථාවේ 121(1) ව්‍යවස්ථාව ප්‍රකාරව, ශ්‍රේෂ්ඨාධිකරණය හමුවේ අභියෝගයට ලක් කරන ලද “එකතු කළ අගය මත බදු (සංශෝධන)” නමැති පනත් කෙටුම්පත සම්බන්ධයෙන් ශ්‍රේෂ්ඨාධිකරණ තීරණය  කථානායකවරයා වෙත ලැබී ඇති බව නියෝජ්‍ය කථානායක වෛද්‍ය රිස්වි සාලි මහතා අද (08) පාර්ලිමේන්තුවේදී නිවේදනය කළේය.

ආබාධිත දීමනාවක් ලබා දීමට පුද්ගලයින් හාරලක්ෂ දසදහසක ප්‍රමාණයක් ගැසට් කර තිබුනද එම දීමනාව ලබාදෙන්නේ එක්ලක්ෂ තිස්අටදහසක් පමණ පිරිසකට පමණක් බැවින් ඉදිරියේදි එම දීමනාව ලබාදෙන පිරිස තුන්ලක්ෂ දසදහසක් දක්වා වැඩි කරන බව ග්‍රාමීය සංවර්ධන , සමාජ ආරක්ෂණ සහ ප්‍රජා සවිබල ගැන්වීමේ ඇමැති උපාලි පන්නිලගේ මහතා  අද(08) පාර්ලිමේන්තුවේදී පැවසීය.

අපරාධයකින් අත්පත්කර ගත් දේපළ විදෙස් රටක තිබුණද එම දේපල නැවත මෙරටට ගෙන ඒම වෙනුවෙන් වන ප්‍රතිපාදන අපරාධයකින් අත්පත්කරගත් දේපළ පිළිබඳ පනත යටතේ හැකියාව ලැබෙන බව මහජන ආරක්ෂක අමාත්‍ය ආනන්ද විජේපාල මහතා අද(08) පාර්ලිමේන්තුවේදී ප්‍රකාශ කළේය

සෑම මාසයකදීම අලුතින් විවෘත කරන සේවක අර්ථසාධක අරමුදල් සහ සේවා නියුක්තිකයන්ගේ භාර අරමුදල් ගොනු පාර්ලිමේන්තුවට ඉදිරිපත් කළ හැකි නව ක්‍රමවේදයක් කම්කරු අමාත්‍යාංශය සමඟ සාකච්ඡා කර ක්‍රියාවට නංවන බව කම්කරු අමාත්‍ය  හා ආර්ථික සංවර්ධන නියෝජ්‍ය  අමාත්‍ය ආචාර්ය අනිල් ජයන්ත ප්‍රනාන්දු මහතා පැවසීය.