ශ්රී ලංකාවේ වත්මන් මූල්ය ප්රතිපත්තිය, විනිමය අනුපාත ප්රතිපත්තිය සහ ආර්ථික තත්ත්වය පිළිබඳව පාර්ලිමේන්තු මන්ත්රීවරුන් දැනුවත් කිරීමේ වැඩසටහනක් ඊයේ(10) පාර්ලිමේන්තුවේදී පැවැත්විණි.
කථානායක ජගත් වික්රමරත්න මහතාගේ ප්රධානත්වයෙන් පැවති මෙම වැඩසටහනේදී, නන්දලාල් වීරසිංහ මහතා ඇතුළු ශ්රී ලංකා මහ බැංකුවේ ජ්යෙෂ්ඨ නිලධාරීන් විසින් මූල්ය ප්රතිපත්ති, විනිමය අනුපාතයේ හැසිරීම, ආර්ථික ස්ථාවරත්වය සහ ආර්ථික ප්රගතිය සම්බන්ධ කරුණු පැහැදිලි කළහ.
වැඩසටහන අතරතුර රට තුළ මූල්ය ප්රතිපත්ති ක්රියාත්මක වන ආකාරය, විනිමය අනුපාතයේ හැසිරීම, ආර්ථික ස්ථාවරත්වය සහ රටේ ආර්ථික ප්රගතියට අදාළ කරුණු පිළිබඳව මන්ත්රීවරුන් දැනුවත් කෙරිණි. එසේම, මන්ත්රීවරුන් විසින් ඉදිරිපත් කළ ප්රශ්න සහ අදහස් සඳහා ද ශ්රී ලංකා මහ බැංකු නිලධාරීන් විසින් කරුණු පැහැදිලි කරමින් පිළිතුරු ලබා දෙන ලදී.
මෙම අවස්ථාව සඳහා නියෝජ්ය කාරක සභා සභාපති හේමාලි වීරසේකර මහත්මිය, විපක්ෂ නායක සජිත් ප්රේමදාස මහතා, ගරු පාර්ලිමේන්තු මන්ත්රීවරුන් සහ පාර්ලිමේන්තුවේ මහ ලේකම් කුෂානි රෝහණදීර මහත්මිය ඇතුළු පිරිසක් සහභාගී වූහ.
