"පොහොසත් රටක් - ලස්සන ජීවිතයක්" ප්‍රතිපත්ති ප්‍රකාශනයට අනුව ග්‍රාමීය මට්ටමේ දක්ෂ ක්‍රීඩක ක්‍රීඩිකාවන්ට නවීන ක්‍රීඩා පහසුකම් සලසා දීමේ අරමුණින්, ශ්‍රී ලංකාවේ ප්‍රථම උණුසුම් ජලය සහිත මහජන පිහිනුම් තටාකය ඉදිකිරීම සඳහා මුල්ගල් තැබීම අද (07) බණ්ඩාරවෙල ඌව පළාත් ක්‍රීඩා සංකීර්ණ පරිශ්‍රයේදී සිදු කෙරිණි.

50 වන ජාතික මහා ක්‍රීඩා උළෙල - 2026 ට සමගාමීව අද (05) පැවැති තරඟ ඇවිදීමේ (Race Walking) ඉසව්වල පිරිමි ශූරතාව ඌව පළාතේ ආර්.එම්.ඩී. රුක්මාල් සහ කාන්තා ශූරතාව දකුණු පළාතේ යූ.වී. කල්හාරි මදිරිකා විසින් දිනා ගන්නා ලදී.

ඌව පළාතේ දරුවන්ගේ සහ තරුණ තරුණියන්ගේ ක්‍රීඩා කුසලතා ජාත්‍යන්තර මට්ටම දක්වා වර්ධනය කිරීමේ අරමුණින්, බණ්ඩාරවෙල කිණ්ගම ක්‍රීඩා සංකීර්ණය කේන්ද්‍ර කරගනිමින් නවීන පහසුකම්වලින් සමන්විත පිහිනුම් තටාකයක් ඉදිකිරීමට සියලු කටයුතු සූදානම් කර ඇතැයි නියෝජ්‍ය අමාත්‍ය දිනිදු හෙන්නායක මහතා පවසයි.

ජාත්‍යන්තර මලල ක්‍රීඩා පිටියේ ශ්‍රී ලංකාවට අතිවිශිෂ්ට ගෞරවයක් හිමිකර දෙමින් රන් පදක්කම් 3ක් සහ රිදී පදක්කමක් දිනාගත් ශ්‍රී ලංකාවේ හෙල්ල විසි කිරීමේ සුපිරි ක්‍රීඩක රුමේෂ් තරංග අද (20) කටුනායක බණ්ඩාරනායක ජාත්‍යන්තර ගුවන් තොටුපළෙන් දිවයිනට පැමිණියේය.