රට පුරා පවතින ආපදා තත්ත්වය හමුවේ අවධානම් ස්ථානවල සිටින ජනතාව ආරක්ෂිත ස්ථාන කරා යොමු කරවීම පොලීසිය, හමුදාව සහ නිලධාරීන් විසින් සිදු කරගෙන යන අතර ඔවුන්ගේ උපදෙස් හා මගපෙන්වීම අනුව තමන්ගේ හා සමීපතයන්ගේ ජීවිත ආරක්ෂාව පිළිබඳ සැලකිලිමත් වෙමින් ආරක්ෂිත ස්ථාන කරා යොමු වන ලෙසත්, ආපදාවන්ට ලක් වු ජනතාවගේ දේපොළ ආරක්ෂා කිරීමට ආරක්ෂක අංශ වෙත උපදෙස් ලබා දී ඇති බවත් අග්රාමාත්ය ආචාර්ය හරිනි අමරසූරිය ප්රකාශ කර සිටියා ය.
දිවයිනට බලපා ඇති හදිසි අයහපත් කාලගුණික තත්වය හේතුවෙන් බොහෝ ප්රදේශවල අධික වැසි, ගං වතුර , තද සුළං හා නායයෑම් තත්ත්වයන් ඇති වී ඇති අතර, ඇතම් ප්රදේශවල මහජනතාවට ඉවත්වීමේ නිවේදනද නිකුත් කිරීමට කටයුතු කර ඇතැයි පොලීසිය සඳහන් කරයි.
මෙම අසීරු අවස්ථාවේ විපතට පත් ජනතාවගේ ජීවිත ආරක්ෂා කර ගැනීම සහ ඔවුන්ට අවශ්ය සහන සැලසීම වෙනුවෙන් සියලුදෙනා එක්ව කාර්යක්ෂම කටයුතු කරමු'යි ජනාධිපති අනුර කුමාර දිසානායක මහතා පක්ෂ විපක්ෂ මහජන නියෝජිතයන්ට පැවසීය.
ගල්ඔය ද්රෝණියට සහ මී ඔය ද්රෝණියට නිකුත් කර ඇති ගංවතුර අනතුරු ඇඟවීමේ නිවේදනය ඉදිරි පැය 48 සඳහා දීර්ඝ කර තිබෙන බව නිවේදනයක් නිකුත් කරමින් වාරිමාර්ග දෙපාර්තමේන්තුව සඳහන් කරයි.
ඉදිරි පැය 48 තුළ කැළණි ගංඟා නිම්නයේ පහත් බිම් ප්රදේශවල මහ ගංවතුර තත්වයක් ඇති විය හැකි බව ආපදා කළමනාකරණ මධ්යස්ථානය නිවේදනය කරයි.
දිවයිනට බලපා ඇති අයහපත් කාලගුණය තත්ත්වය හේතුවෙන් කොළඹ නගරයේ මාර්ග කිහිපයක් අවහිර වී ඇති බව පොලිස් මාධ්ය කොට්ඨාසය නිවේදනයක් නිකුත් කරමින් සඳහන් කරයි.
ආපදා සහන සේවා කටයුතු සඳහා මේ වන විට රුපියල් බිලියන 1.2 ක (එකයි දශම දෙකක )මුදලක්
දිවයින පුරා පවතින අයහපත් කාලගුණික තත්ත්වය හේතුවෙන් රටේ විදුලි සැපයුම අඩාල වී තිබෙන බව විදුලිබල අමාත්ය ඉංජිනේරු කුමාර ජයකොඩි මහතා පවසයි.
දක්ෂිණ අධිවේගී මාර්ගයේ කඩුවෙල පිටවීම් (කඩවත දෙසින් පැමිනෙන රථවාහන) ජලයෙන් යට වී තිබේ. ඒ නිසා විකල්ප ක්රියාමාර්ග අනුගමනය කරන ලෙස ප්රවාහන, මහාමාර්ග සහ නාගරික සංවර්ධන අමාත්යාංශය නිවේදනය කරයි.
ආපදා සහන සේවා කටයුතු සඳහා මේ වන විට රුපියල් බිලියන 1.2 ක මුදලක් වෙන්කර ඇති බව රජයේ ප්රවෘත්ති අධ්යක්ෂ ජනරාල් එච්.එස්.කේ.ජේ.බණ්ඩාර මහතා පවසයි.
මේ වන විට දිවයිනට බලපා ඇති අයහපත් කාලගුණික තත්ත්වය හේතුවෙන් විපතට පත්වී සිටින ජනතාව මුදාගැනීම සහ ඔවුන්ට අවැසි උපකාර කිරීම සදහා යුද්ධ හමුදා භට පිරිස් යොදවන ලෙසට ජනාධිපතිතුමා විසින් යුද්ධ හමුදාපති වෙත උපදෙස් ලබාදී ඇත.
අවතැන් වූ ජනතාව වෙනුවෙන් අවශ්ය සේවා සැපයීමට සෑම පොලිස් ස්ථානයකම විශේෂ ඒකකයක් පිහිටුවා ඇතැයි පොලිස් මාධ්ය ප්රකාශක සහකාර පොලිස් අධිකාරී එෆ්.යු. වුට්ලර් මහතා පවසයි.
ආපදා තත්ත්වයන්ට පත් ජනතාව වෙනුවෙන් සහන සැලසීමේ දී මූල්ය ගැටලු ප්රශ්නයක් කර නොගෙන සහන සැලසීමට කඩිනම් පියවර ගන්නා ලෙස සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්රවෘත්ති දෙපාර්තමේන්තුවේ නව මාධ්ය ඒකකය මගිනි.
