දිට්වා සුළි කුණාටුවෙන් විපතට පත් ජනතාවට සහන සැලසීමේ, රජයේ ‘Rebuilding Sri Lanka’ අරමුදලට එක්සත් රාජධානියේ ශ්‍රී ලංකා මහකොමසාරිස් කාර්යාලය අසළ පදිංචිකරුවන් වන රිචර්ඩ් වුඩ් යුවළ (Mr and Mrs Richard Wood) විසින් ස්ටර්ලින් පවුම් 2,000ක මූල්‍යමය පරිත්‍යාගයක් සිදු කර තිබේ.

ශ්‍රමයේ අභිමානය හා සොබාදහමෙන් ලද රැකවරණයට කෘතඥතාව පළ කරන උදාර සංස්කෘතික සම්ප්‍රදායක් සනිටුහන් කරමින්, ලෝකවාසී දෙමළ ජනතාව සමරනු ලබන තෛපොංගල් උත්සවයේ ජාතික සැමරුම අද (15) අග්‍රාමාත්‍ය ආචාර්ය හරිනි අමරසූරියගේ සහභාගීත්වයෙන් කොළඹ අරලියගහ මන්දිරයේදී පැවැත්විණි.

විෂ මත්ද්‍රව්‍ය උවදුර තුරන් කිරීම සඳහා වන ‘රටම එකට’ ජාතික මෙහෙයුමේ උතුරු පළාත් වැඩසටහන සඳහා සියලු කටයුතු සූදානම් බව යාපනය දිස්ත්‍රික් ලේකම් එම්. ප්‍රදීපන් මහතා පැවසීය.

දේශගුණික ආතති පරීක්ෂණයක් (Climate Stress Test) ලෙස “දිට්වා” (Ditwah) සුළි කුණාටුවෙන් ලද අත්දැකීම් තේමා කර ගනිමින්, විද්‍යා හා තාක්ෂණ අමාත්‍යාංශය සංවිධාන කළ ආපදාවන්ට එරෙහිව විද්‍යාව: දේශගුණික විපර්යාස හා බැඳී ආපදා සූදානම ශක්තිමත් කිරීමේ ආයතනික පර්යේෂණ අවශ්‍යතා ඇගයීමේ ජාතික වැඩසටහන එළි දැක්වීම ඊයේ (14) විද්‍යා හා තාක්ෂණ අමාත්‍ය මහාචාර්ය ක්‍රිෂාන්ත අබේසේන මහතාගේ ප්‍රධානත්වයෙන් සිදු කෙරිණි.