බස් ගාස්තු බැංකු කාඩ්පත් මගින් ගෙවීමේ නියමු ව්‍යාපෘතියට සමගාමීව දකුණු පළාතේ බස් හිමියන් දැනුවත් කිරීමේ වැඩසටහනේ පියවරක් ලෙස දකුණු පළාත් මාර්ගස්ථ මගී ප්‍රවාහන අධිකාරය යටතේ ඇති සියලුම බස් සංගම් නියෝජිතයන් දැනුවත් කිරීමේ වැඩසටහනක් පසුගියදා ගාල්ලේදී පැවැත්විණි.

පොහොසත් රටක් - ලස්සන ජීවිතයක් රජයේ ප්‍රතිපත්තිය ක්‍රියාවට නංවමින් හිමිකම ජාතික වැඩසටහන යටතේ මහවැලි සී කලාපයේ ගොවි ජනතාව වෙත මහවැලි හිමිකම් පත් 1000ක් ලබාදීමේ උත්සවය කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී ලාල්කාන්ත මහතාගේ ප්‍රධානත්වයෙන් ඊයේ (15) ගිරාඳුරුකෝට්ටේ දී පැවැත්විණි.

නාගරික ජනතාවට මහල් නිවාස සංකීර්ණ මෙන්ම අඩු ආදායම් ලාභීන්ට නව නිවාස යෝජනා ක්‍රම සහ මූල්‍ය ප්‍රතිපාදන ලබාදෙමින් මෙරට නිවාස අහිමි ජනතාවට තමාගේ නිවසක ජීවත් විය හැකි රටක් නිර්මාණය කරන බව නාගරික සංවර්ධන නියෝජ්‍ය අමාත්‍ය එරංග ගුණසේකර මහතා පවසයි.

ජාතික ව්‍යසනයක් බවට පත්ව ඇති විෂ මත්ද්‍රව්‍ය උවදුර රටින් මුලිනුපුටා දැමීමේ අරමුණින් ක්‍රියාත්මක කරන “රටම එකට” ජාතික මෙහෙයුමේ උතුරු පළාත් වැඩසටහන අද (16) පස්වරුවේ යාපනය තාක්ෂණ විද්‍යාලයීය ක්‍රීඩා පිටියේදී ජනාධිපති අනුර කුමාර දිසානායක මහතාගේ ප්‍රධානත්වයෙන් පැවැත්වෙයි.

අඩු ආදායම්ලාභී ජනතාව වෙනුවෙන් නිවාස ඉදිකිරීම අරමුණු කරගනිමින් ක්‍රියාත්මක කරන ‘ජාතික නිවාස වැඩසටහන – 2026’ සමාරම්භක උත්සවය ජනාධිපති අනුර කුමාර දිසානායක මහතාගේ ප්‍රධානත්වයෙන් අද (16) යාපනය, චාවකච්චේරිය මිසාලෛ වීරසිංහම් ප්‍රාථමික විදුහල් ක්‍රීඩාංගණයේදී පැවැත්වෙයි.