'ක්ලීන් ශ්‍රී ලංකා'ලේකම් කාර්යාලය මඟින් ක්‍රියාත්මක කරනු ලබන 'සමනොළ සිරි - හරිත වන්දනා    ජාතික වැඩසටහන යටතේ  සිරිපා පුදබිමේ ඉහළ මළුවේ ඉතා දුෂ්කර ස්ථානවල ගොඩගැසී පැවති කසළ තොග ඉවත් කිරීමේ විශේෂ බලකා මෙහෙයුමේ දෙවන අදියර ලෙස ශ්‍රී පාද පූජා භූමියට නල්ලතන්නිය සහ රත්නපුර ප්‍රවේශ ආශ්‍රීතව සිදු කෙරෙන එක් දින ශ්‍රමදාන වැඩසටහන අද (19) සාර්ථකව ආරම්භ විය.

ජපාන ආර්ථික, වෙළෙඳ සහ කර්මාන්ත අමාත්‍යාංශයේ (METI) ජාත්‍යන්තර කටයුතු පිළිබඳ උප අමාත්‍ය තකේහිකෝ මත්සුවෝ (Takehiko Matsuo) මහතාගේ ප්‍රධානත්වයෙන් යුත් ජපාන දූත පිරිසක්, පසුගියදා (17) වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ මහතා හමුවිය.

සෞඛ්‍ය හා ජනමාධ්‍ය අමාත්‍යාංශය විසින් රාජ්‍ය ආයතන කාර්ය මණ්ඩල සුවතාවය උදෙසා පවත්වන “ආරෝග්‍යා” ජංගම සුව සායන වැඩසටහනේ තවත් වැඩසටහනක් ඊයේ (18) ජනාධිපති කාර්යාලයේ සමස්ත කාර්ය මණ්ඩලය වෙනුවෙන් පැවැත්වුණි.

කෘත්‍රිම බුද්ධිය මානව වර්ගයාගේ යහපත උදෙසා වගකීම් සහගතව භාවිත කිරීමේ අරමුණින් නවදිල්ලි නුවරදී පැවැත්වෙන AI Impact Summit 2026 සමුළුවට ජනපති අනුර කුමාර දිසානායක මහතා සහභාගී වූ අතර, ජනපති අද(19)එම සමුළුව ඇමතීමට නියමිතය.

මෙරට දැවැන්තම ජාත්‍යන්තර වෙළෙඳ ප්‍රදර්ශනය වන “Expo 2026” ජුනි මාසයේ කොළඹදී පැවැත්වීමට කටයුතු සංවිධානය කර ඇතැයි විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පවසයි. මෙම  දැවැන්ත වෙළෙඳ ප්‍රදර්ශනය ජුනි 18 සිට 21 දක්වා Bandaranaike Memorial International Conference Hall (BMICH) පරිශ්‍රයේදී පැවැත්වීමට කටයුතු යොදා ඇත.