රාජ්‍ය සේවයේ මුළු පුරප්පාඩු තනතුරු 15,839ක් සඳහා බඳවාගැනීම් සිදුකිරීමට අමාත්‍ය මණ්ඩල අනුමැතිය හිමිව ඇතැයි, කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස මහතා පැවසීය.

රාජ්‍ය සේවයේ කඩා වැටීම අවුරුදු ගණනාවක සිට සිදුවන බවත්, එයට හේතුව  රාජ්‍ය සේවයේ බඳවා ගැනීම් නිවැරදිව සිදු නොවීම බවත්,  ඒ අනුව ගැටලු නිරාකරණය කිරීමට  සුදුසුකම් මත නිවැරදි ක්‍රමවේද අනුව රාජ්‍ය සේවයේ  බඳවා ගැනීම් සිදු කරමින් තිබෙන බව අග්‍රාමාත්‍ය ආචාර්ය හරිනි අමරසූරිය පැවසුවාය.

මැදපෙරදිග යුද ගැටුම් හේතුවෙන් තාවකාලිකව නතර කර තිබූ කටුනායක සහ ඩුබායි අතර ගුවන් ගමන් නැවත ආරම්භ කර ඇති බව ශ්‍රී ලංකන් ගුවන් සමාගම දැනුම් දෙයි.

2026 පෙබරවාරි මාසය තුළ දී ශ්‍රී ලංකාවට පැමිණි සංචාරකයින් සංඛ්‍යාව 279,328ක් බව ශ්‍රී ලංකා සංචාරක සංවර්ධන අධිකාරිය පවසයි.

යුද ගැටුම් හේතුවෙන් මැදපෙරදිග කලාපයට තාවකාලිකව නතර කර තිබූ ගුවන් ගමන් සේවා කටුනායක ගුවන් තොටුපළින් ඊයේ (03) සිට යළි ආරම්භ කිරීමට ගුවන් සමාගම් දෙකක් පියවර ගෙන තිබේ.