පෙබරවාරි මාසය තුළ සංචාරක පැමිණීමේ වර්ධනයක්

2026 පෙබරවාරි මාසය තුළ දී ශ්‍රී ලංකාවට පැමිණි සංචාරකයින් සංඛ්‍යාව 279,328ක් බව ශ්‍රී ලංකා සංචාරක සංවර්ධන අධිකාරිය පවසයි.

එය පසුගිය වසරේ පෙබරවාරි මාසයේ මෙරටට පැමිණි සංචාරකයින් සංඛ්‍යාවට සාපේක්ෂව 16.2%ක වැඩිවීමකි.
එම අධිකාරිය නිකුත් කරන ලද නවතම දත්තවලට අනුව, පෙබරවාරි මාසයේදී ඉන්දියාවෙන් සංචාරකයින් 47,679ක් එක්සත් රාජධානියෙන් 30,788ක් රුසියාවෙන් 23,099ක් ජර්මන් 22,566ක් චීනයෙන් 20,180ක් සහ ප්‍රංශ ජාතිකයින් 17,174ක් ද ශ්‍රී ලංකාවට පැමිණ ඇත.
එසේම ගතවූ මාස දෙකක කාලය තුළ පැමිණි සමස්ත සංචාරකයින් සංඛ්‍යාව 556,655ක් බව එම අධිකාරිය වැඩිදුරටත් සඳහන් කරයි.
එම සංචාරකයින් අතරින් 99,740ක් ඉන්දියාවෙන් ද 50,233ක් රුසියාවෙන් එක්සත් රාජධානියෙන් 60,328ක් ද පැමිණි බවට වාර්තා කර ඇත.