පසුගිය සමයේදී සිදුකරනු ලැබූ අක්ෂි සැත්කම් හේතුවෙන් අන්ධ භාවයට පත් වූ රෝගීන් වෙනුවෙන් වන්දි ලබා දීමට කැබිනට් මණ්ඩලය තීරණය කළ බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා ඊයේ (07)පාර්ලිමේන්තුවේදී ප්‍රකාශ කළේය. පාර්ලිමේන්තු මන්ත්‍රී වෛද්‍ය නිශාන්ත සමරවීර මහතා මතු කරන ලද ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.

කිරුළපන  බේස්ලයින් පාර දුටුගැමුණු හන්දිය දක්වා පුළුල් කිරීමට සැලසුම් කරඇතැයි, ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය සභානායක බිමල් රත්නායක මහතා  පැවසීය.

පාර්ලිමේන්තුව අද(08) පෙ.ව 9.30ට රැස් වෙයි.

රජයේ මුදල් පිළිබඳ කාරක සභාව ඊයේ (06), එහි අභිනව සභාපති ආචාර්ය හර්ෂ ද සිල්වා මහතාගේ ප්‍රධානත්වයෙන් රැස්විය.

ඖෂධ නියාමන අධිකාරිය තුළ පසුගිය වකවානුවේදී සිදුව ඇති වංචා දූෂණ සම්බන්ධයෙන් විමර්ශන නිසි පරිදි සිදුවන බවත් නැවත එවැනි වංචා දූෂණ ඇතිවීම වැළැක්වීම මෙන්ම ජාතික ඖෂධ නියාමන අධිකාරියේ කාර්ය විධිමත් හා කඩිනම් කිරීම වෙනුවෙන් වැඩපිළිවෙළක් ක්‍රියාත්මක බවත් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා අද(07) පාර්ලිමේන්තුවේදී ප්‍රකාශ කළේය. පාර්ලිමේන්තු මන්ත්‍රී ලක්මාලි හේමචන්ද්‍ර මෙනවිය මතුකරන ලද ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.