පැවති ආපදා තත්වයෙන් පසු  රට යථා තත්ත්වයට පත්කිරීමේ ක්‍රියාවලිය සඳහා නිවැරදි දත්ත අවශ්‍ය බවත්, දත්ත එක් රැස් කර ගැනීමට ජන සහභාගීත්වය සහිත  විධිමත් ක්‍රමවේදයක් අවශ්‍ය බවත්  අග්‍රාමාත්‍ය ආචාර්ය හරිනි අමරසූරිය පැවසුවාය.

දිට්වා සුළි කුණාටුවෙන් හානි වූ ව්‍යාපාර, දේපොළ පිළිබඳ තොරතුරු සහ දත්ත රැස් කිරීම සඳහා ජාතික ක්‍රමසම්පාදන දෙපාර්තමේන්තුව වැඩපිළිවෙළක් ආරම්භ කර ඇති බව මුදල්, ක්‍රමසම්පාදන සහ ආර්ථික සංවර්ධන අමාත්‍යාංශයේ ලේකම් ආචාර්ය හර්ෂණ සූරියප්පෙරුම මහතා ඊයේ(10) මාධ්‍ය වෙත අදහස් දක්වමින් පැවසීය.

උතුරු, උතුරු-මැද, නැගෙනහිර, මධ්‍යම, සහ ඌව පළාත්වල විටින් විට වැසි හෝ ගිගුරුම් සහිත වැසි ඇති වේ.

දිවයින පුරා පැවති අයහපත් කාලගුණ තත්ත්වය ‍හේතුවෙන් 2025 - අ.පො.ස (උ.පෙළ) විභාගයේ නොපැවැත් වූ විෂයන් 2026 ජනවාරි මස 12 වැනිදා සිට ජනවාරි 20 වැනිදා දක්වා පැවැත්වීමට කටයුතු සූදානම් කර ඇති බව ශ්‍රි ලංකා විභාග දෙපාර්තමේන්තුව නිවේදනයක් නිකුත් කරමින් සඳහන් කරයි.

දිට්වා සුළි කුණාටුවෙන් විපතට පත් ජනතාවගේ ජන ජීවිතය සහ ආපදාවට ලක් වූ රට යළි ගොඩනැඟීම සඳහා අරඹන ලද ‘Rebuilding Sri Lanka’ අරමුදලට දෙස් විදෙස් විවිධ ආයතනවලින් දිනපතා ආධාර ලැබෙමින් පවතී.