කොළඹ දිස්ත්‍රික්කය තුළ අනවසර ඉදිකිරීම් සඳහා අනුමැතිය දීම  හෝ සංවර්ධනය කටයුතු  මුවාවෙන්   ජනතාව අවදානමේ හෙලන  ජනාවාස ඉදිකිරීමට කිසිසේත් ඉඩ ලබා නොදෙන බව අග්‍රාමාත්‍ය ආචාර්ය හරිනි අමරසූරිය ප්‍රකාශ කළා ය.

දිට්වා සුළි කුණාටුව හේතුවෙන් ඇති වූ ආපදා තත්වය නිසා හානියට පත් වූ මාර්ග 91%ක් ගමනා ගමනයට සුදුසු පරිදි පිළිසකර කර අවසන් බව  මාර්ග සංවර්ධන අධිකාරියේ අධ්‍යක්ෂ ජනරාල් කේ.ඩබ්.කන්ඩම්බි මහතා පැවසීය.

දිට්වා සුලි කුණාටුවෙන් විපතට පත් වූ සහ මියගිය අය සිහිකර පැවැත් වූ විශේෂ  දේව මෙහෙයක් ඊයේ (09) පස්වරුවේ  කළුතර මහ පල්ලියේ දී (වෙට්ටුමකඩේ ඉස්ලාම් දේවස්ථානයේදී) පැවැත්විණ.

දිට්වා සුළි කුණාටුව නිසා ඇති වූ ගංවතුර හා නායයෑම් හේතුවෙන් පීඩාවට පත් ජනතාව වෙනුවෙන් සකස් කර තිබූ 1529ක් වූ සුරක්ෂිත මධ්‍යස්ථාන ප්‍රමාණය මේ වන විට 630 දක්වා අඩු වී ඇති බව යුධ හමුදා මාධ්‍ය ප්‍රකාශක බ්‍රිගේඩියර් වරුණ ගමගේ මහතා පැවසීය.

දිවයිනට බලපෑ ස්වභාවික ආපදා තත්ත්වය හේතුවෙන් විපතට පත් ජනතාවට සහන සැලසීම සඳහා විදෙස් රටවලින් ලැබෙන මානුෂීය සහන ආධාර කඩිනමින්, සාධාරණව හා විනිවිදභාවයකින් යුත් ක්‍රමවේදයක් ඔස්සේ හැසිරවීම සහ බෙදාහැරීම සහතික කිරීම සඳහා ජ්‍යෙෂ්ඨ නිලධාරීන්ගෙන් සමන්විත විශේෂ කමිටුවක් පත් කර ඇත.