දිවයිනට ගිනිකොණ දෙසින් බෙංගාල බොක්ක මුහුදු ප්රදේශයේ ස්ථාපිතව පැවති පහල වායුගෝලීය කැළඹිලි ස්වභාවය අඩු පීඩන කලාපයක් දක්වා වර්ධනය වී ඇත. මෙම පද්ධතියේ බලපෑම හේතුවෙන් ජනවාරි 08 සිට දිවයිනේ, විශේෂයෙන් උතුර, උතුරුමැද, නැගෙනහිර, ඌව සහ මධ්යම පළාත්වල වැසි තත්ත්වයේ වර්ධනයක් බලාපොරොත්තු වේ.
_thumbnail.jpeg)
වෙනිසියුලාවේ මෑත කාලීන වර්ධනයන් සම්බන්ධයෙන් ශ්රි ලංකා රජය දැඩි කනස්සල්ලට පත්ව සිටින අතර එහි තත්ත්වය සමීපව නිරීක්ෂණය කරමින් සිටින බව විදේශ කටයුතු ,විදේශ රැකියා සහ සංචාරක අමාත්යංශය නිවේදනයක් නිකුත් කරමින් සඳහන් කරයි.
පවත්නා මූල්ය සීමාවන් තුළ පිහිටා ජාතික ප්රමුඛතාවන් හඳුනා ගනිමින් 2026 අයවැය ප්රතිපාදන වෙන් කර තිබෙන බවත්, එම ප්රතිපාදන උපරිම කාර්යක්ෂමතාවෙන් යුතුව ජනතා සුබසිද්ධිය උදෙසා යෙදවීම සියලු අමාත්යාංශ ලේකම්වරුන්ගේ සහ රාජ්ය නිලධාරීන්ගේ වගකීම බවත් ජනාධිපති අනුර කුමාර දිසානායක මහතා පැවසීය.
පසුගිය වසරේ විදේශ රටවල් සමග රටට හිතකර ගිවිසුම් රැසකට සම්බන්ධ වූ බවත් කොන්සියුලර් සේවාව ශක්තිමත් අංශයක් බවට පත් කිරීමට කටයුතු කළ බවත් විගමණික ශ්රමිකයන් වෙනුවෙන් ක්රියාමාර්ග රැසක් ක්රියාත්මක කළ බවත් විදේශ කටයුතු , විදේශ රැකියා සහ සංචාරක නියෝජ්ය අමාත්ය අරූන් හේමචන්ද්ර මහතා පවසයි.
ශ්රී ලංකා දුම්රිය දෙපාර්තමේන්තුවේ දුම්රිය ස්ථානාධිපති තනතුර සඳහා නවක පත්වීම් ලිපි ප්රදානය කිරීමේ උත්සවය අද (2026.01.05) දින දුම්රිය දෙපාර්තමේන්තු ශ්රවණාගාරයේ දී පැවැත්වුණි.
දිට්වා සුළි කුණාටුවෙන් විපතට පත් ජනතාවගේ ජන ජීවිතය සහ ආපදාවට ලක් වූ රට යළි ගොඩනැඟීම සඳහා අරඹන ලද ‘Rebuilding Sri Lanka’ අරමුදලට Sri Lanka Jewellers Association වෙතින් රුපියල් මිලියන 10ක මූල්ය පරිත්යාගයක් සිදු කළේය.
දිට්වා සුළිකුණාටුවෙන් විපතට පත් ජනතාවට සහන සැලසීම සඳහා රජය ක්රියාත්මක කරමින් පවතින ‘Rebuilding Sri Lanka’ අරමුදලට, Chartered Accountants of Sri Lanka වෙතින් රුපියල් මිලියන 10ක මූල්යමය පරිත්යාගයක් සිදු කර ඇත.
පසුගිය වසරේ සංචාරක කර්මාන්තය , සෘජු විදේශීය ප්රේෂණ සහ කොන්සියුලර් සේවාවන්වලින් ශ්රී ලංකාව උපයන ලද ආදායම ඇමරිකානු ඩොලර් බිලියන 11.6ක් බව විදේශ කටයුතු , විදේශ රැකියා සහ සංචාරක අමාත්ය විිජිත හේරත් මහතා පවසයි.
අමාත්යවරයා මේ බව පැවසුවේ අද (05) විදේශ අමාත්යංශයේ පැවැති විශේෂ මාධ්ය සාකච්ඡාවකට සහභාගී වෙමිනි.
ඉතිහාසයේ වැඩිම සංචාරක සංචාරකයින් පිරිසක් පැමිණියේ පසුගිය වසරේ බව පෙන්වා දුන් අමාත්යවරයා එම සංඛ්යාව 2,362,000 ක් වූ බව සඳහන් කළේය.එසේම පසුගිය වසරේ සංචාරක ආදායම ඇමරිකානු ඩොලර් බිලියන 3.2ක් බවද අමාත්යවරයා පෙන්වා දුන්නේය.
එසේම පසුගිය වසරේ විදේශීය ප්රේෂණ වාර්තාගත අගයක් බව සඳහන් කළ අමාත්යවරයා එම මුදල ඇමරිකානු ඩොලර් බිලියන 7.8ක් බව සඳහන් කළේය.තවද කොන්සියුලර් සේවාවන් සැපයීම මගින් ලද ආදායම ඇමරිකානු ඩොලර් මිලියන 576.9ක් අමාත්යවරයා වැඩිදුරටත් පැවසීය.
දිත්වා සුළි කුණාටුව හේතුවෙන් සංචාරක කර්මාන්තය යම් අවිනිශ්චිත තත්වයක පැවතියද සංචාරක අමාත්යංශය සෙසු ආයතන සමග එක්ව සිදු කළ විශේෂ මෙහෙයුම හේතුවෙන් නැවත මෙරටට සංචාරකයන් පැමිණෙමින් පවතින බව පෙන්වා දුන් අමාත්යවරයා මේ වනවිට සියයට 15ක සංචාරක වර්ධනයක් ඇති බවද සඳහන් කළේය.
එසේම මෙම සුළිකුණාටුව සමග විශාල රටවල් ප්රමාණයකින් ශ්රී ලංකාවට මූල්යමය සහ ද්රව්යමය ආධාර ලබා දුන් බව සඳහන් කළ අමාත්යවරයා වැඩිම මූල්ය ප්රදානයක් සිදු කළේ මාලදිවයිනෙන් බවත් එම මුදල රුපියල් ලක්ෂ 725ක් බව පැවසීය.එසේම ජපානයෙන් රුපියල් ලක්ෂ 596ක් ද ඉන්දියාවේ චෙන්නායි නගරයෙන් රුපියල් ලක්ෂ 440ක් ද ලැබූ බව හෙතෙම කීය.මේ වනවිට රුපියල් බිලියන 85කට ආසන්න මුදලක් මෙරටට ලැබී ඇති බවද අමාත්යවරයා පැවසීය.
වසර 25කට පසු ප්රථම වතාවට ජාතික පාරිසරික පනත සංශෝධනය කරන බව පරිසර අමාත්ය වෛද්ය දම්මික පටබැදි මහතා පවසයි.
පොළොන්නරුව, දිඹුලාගල අරණ්ය සේනාසනය ආශ්රිත ඓතිහාසික ලෙන් විහාරවල හටගෙන ඇති ඉරි තැලීම් සහ ගරා වැටීම් සඳහා කඩිනමින් පිළියම් සකස් කරන බව බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා පැවසීය. අමාත්යවරයා මේ බව පැවසූයේ පසුගියදා(03) එම විහාර පරිශ්රයේ විශේෂ නිරීක්ෂණයකට එක්වෙමිනි.
රජයේ රෝහල් පද්ධතිය වඩාත් විධිමත්ව හා ඉහළ පහසුකම් වලින් සමන්විත රෝගී සත්කාර සේවා සමගින් පවත්වා ගෙන යාම මුලික අරමුණ බව සෞඛ්ය නියෝජ්ය අමාත්ය වෛද්ය හංසක විජේමුණි මහතා පවසයි.
අධික වර්ෂාව හේතුවෙන් දැඩි හානියට පත් මහනුවර රන්දෙණිගල රජ මාවතේ බෙලිඋල්ඔය පාලම සඳහා පෙර සවි පාලමක් සවි කිරීම ශ්රී ලංකා හා ඉන්දීය යුද හමුදා දායකත්වයෙන් ඊයේ (04) අරම්භ විය.
2026 නව වසරේ පළමු පාසල් වාරය අද (05) ආරම්භ වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්රවෘත්ති දෙපාර්තමේන්තුවේ නව මාධ්ය ඒකකය මගිනි.
