අදට යෙදී තිබෙන 78 වැනි ජාතික නිදහස් දිනය නිමිත්තෙන් ජනාධිපතිතුමාට ආණ්ඩුක්‍රම ව්‍යවස්ථාවේ 34 වන වගන්තිය අනුව පැවරී ඇති බලතල ප්‍රකාරව බන්ධනාගාරගත සිරකරුවන්ට විශේෂ ජනාධිපති සමාවක් ප්‍රදානය කර ඇතැයි බන්ධනාගාර කොමසාරිස් (මාධ්‍ය ප්‍රකාශක) ඒ. සී. ගජනායක මහතා පැවසීය.

දේශය ගොඩනැඟීමේ මූලික පදනම වන්නේ ජනතාවාදී, කාර්යක්ෂම සහ විනයගරුක රාජ්‍ය සේවයක් ගොඩනැඟීම බව රාජ්‍ය පරිපාලන, පළාත් සභා හා පළාත් පාලන ඇමැති මහාචාර්ය චන්දන අබයරත්න මහතා පැවසීය.

78 වන ජාතික නිදහස් දිනය සමරන්නේ අලුත් නිදහසක් පිළිබඳ වූ බලාපොරොත්තුවෙනි. සියලු ජනතාව එක් ව ගොඩනැගූ මහජනතාවගේ ආණ්ඩුවක් සමඟ අපි මේ වනවිට අලුත් මඟකට අවතීර්ණ වී සිටිමු.

‘පොහොසත් රටක් - ලස්සන ජීවිතයක්’ ගොඩනැඟීම සඳහා, එකමුතුව, තිර අදිටනින් සහ සහෝදරත්වයෙන් අත්වැල් බැඳ ගනිමු'යි සියලු පුරවැසියන්ට යළි ආරාධනා කරන බව ජනපති පවසයි. අදට යෙදී තිබෙන 78 වැනි නිදහස් දිනය නිමිත්තෙන් සුබ පැතුම් පණිවිඩයක් නිකුත් කරමින් ජනපති මේ බව පවසයි.

78 වන ජාතික නිදහස් දින සැමරුම් උත්සවය අද (04) පෙරවරුවේ නිදහස් චතුරස්‍ර පරිශ්‍රයේදී අභිමානවත් ලෙස පැවැත්වීමට සියලු කටයුතු මේ වන විට සූදානම් කර තිබේ.

“ගොඩනඟමු ශ්‍රී ලංකා” යන තේමාව යටතේ මෙවර නිදහස් දින සැමරුම් උත්සවය ජනාධිපති අනුර කුමාර දිසානායක මහතාගේ ප්‍රධානත්වයෙන් පැවැත්වීමට නියමිතය.