දිට්වා සුළි කුණාටුවෙන් ආපදාවට ලක් වූ සියලු දිස්ත්රික්කවල පාසල් දරුවන් වෙනුවෙන් ජනාධිපති අරමුදලින් පිරිනැමෙන රුපියල් 10,000ක දීමනාව ලබා දීම සඳහා ජනාධිපති අරමුදල රුපියල් 1,925,010,000.00 ක මුදලක් වෙන් කර ඇති අතර එම සියලු ප්රතිපාදන මේ වන විට අදාළ දිස්ත්රික් ලේකම්වරු මගින් ප්රාදේශීය ලේකම්වරු වෙත යොමු කර තිබේ.
ඉන්දීය අග්රාමාත්ය නරේන්ද්ර මෝදී මහතාගේ මැදිහත්වීම යටතේ ඉන්දීය රජයේ පූර්ණ අනුග්රහයෙන් මෙරටට වැඩම කරවන ලද දෙව්නිමෝරි ශ්රී සර්වඥ ධාතුන් වහන්සේ මෙරට ප්රදර්ශනය කිරීමේ ඉදිරි කටයුතු පිළිබඳ සාකච්ඡා කිරීම සඳහා ඉන්දීය ගුජරාට් ප්රාන්තයේ ආණ්ඩුකාර Acharya Devvrat මහතා සහ ගුජරාට් ප්රාන්තයේ නියෝජ්ය මහ ඇමති Harsh Sanghvi ඇතුළු පිරිසක් පෙබරවාරි 05 දින පාර්ලිමේන්තු සංකීරණයේදී අග්රාමාත්ය ආචාර්ය හරිනි අමරසූරිය හමුවිය.
නව අධ්යාපන ප්රතිසංස්කරණය සඳහා අවශ්ය ස්මාට් පුවරු (Smart Board) අධ්යාපන අමාත්යංශය මගින් පාසල් වෙත බෙදා දීම ආරම්භ කර ඇති අතර ඒ සඳහා පාසල් මට්ටමින් දෙමාපියන්ගෙන් මුදල් එකතු කිරීම වහා නවත්වන ලෙසත්, නිදහස් අධ්යාපනය කප්පාදු කිරීමට හෝ ජයවර්ධනපුර දන්ත වෛද්ය පීඨය වසා දමන්න කිසිදු තීරණයක් ගෙන නැති බවත් අග්රාමාත්ය ආචාර්ය හරිනි අමරසූරිය පැවසුවාය.
දිට්වා සුළි කුණාටුවෙන් මහනුවර දිස්ත්රික්කයේ පූර්ණ සහ අර්ධ නිවාස හානි සිදු වූ පුද්ගලයන් වෙනුවෙන් නව නිවාස ඉදිකර දීමේ වැඩසටහන ඇරඹීම සහ වන්දි ප්රදානය මෙන්ම සංවර්ධන ව්යාපෘති කිහිපයක වැඩ ඇරඹීම ජනාධිපති අනුර කුමාර දිසානායක මහතාගේ ප්රධානත්වයෙන් හෙට (06) මහනුවරදී සිදු කිරීමට නියමිතය.
මෙරට 42 වන විගණකාධිපති ලෙස පත් කෙරුණු එල්.එස්.අයි. ජයරත්න මහත්මිය වෙත ඊට අදාළ පත්වීම් ලිපිය ජනාධිපති ලේකම් ආචාර්ය නන්දික සනත් කුමානායක මහතා විසින් ජනාධිපති කාර්යාලයේදී අද (05) පෙරවරුවේ භාර දෙනු ලැබීය.
අද (05) උදෑසන සිට ලබන 11 වැනිදා දක්වා දින හතක කාලයක් පැය 24 පුරාම ඓතිහාසික හුණුපිටිය ගංගාරාම විහාරස්ථානයේදී ශ්රී සර්වඥ ධාතූන්වහන්සේ වැඳපුදා ගැනීමට අවස්ථාව ජනතාවට හිමිවෙයි.
දිට්වා සුළි කුණාටුවෙන් විපතට පත් ජනතාවට සහන සැලසීමේ රජයේ ‘Rebuilding Sri Lanka’ අරමුදලට First Capital Holdings PLC විසින් රුපියල් මිලියන 15 ක මුදලක් පරිත්යාග කරන ලදී.
විදේශ ආපදා සහනාධාර (සැපයුම්) සම්බන්ධීකරණය පිළිබඳ ජ්යෙෂ්ඨ කමිටුව ආරක්ෂක නියෝජ්ය අමාත්ය, මේජර් ජෙනරල් අරුණ ජයසේකර (විශ්රාමික) ගේ ප්රධානත්වයෙන් පසුගියදා (පෙබ. 03) පාර්ලිමේන්තු සංකීර්ණයේදී රැස්වූහ.
දශක 3 ක කාලයක් තිස්සේ ගැටලුවක්ව පැවති මගී සේවා අවසර බලපත්ර නෛතිකව පවරා දීමට අදාල ගැසට්ටුව අද සිට බලාත්මක කර ඇතැයි ප්රවාහන අමාත්යංශය නිවේදනය කරයි.
කොරියාවේ සිටින ශ්රී ලාංකික ශ්රමිකයින් එරට ආර්ථිකයට ලබාදෙන දායකත්වය ඉතාමත් ප්රශංසනීය බවත් ඒ පිළිබඳව ශ්රී ලංකාවට තම ස්තූතිය පිරිනමන බව දිවයිනට පැමිණි කොරියානු පාර්ලිමේන්තුවේ නියෝජ්ය කතානායක Lee Hack Young මහතා පැවසීය. ඔහු මේ බව පැවසුවේ පසුගියදා (3 දා) කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා හමුවූ අවස්ථාවේදීය.
උතුරු, උතුරු-මැද, නැගෙනහිර, ඌව සහ මධ්යම පළාත්වලත් හම්බන්තොට දිස්ත්රික්කයේත් විටින් විට වැසි ඇතිවේ. ඌව පළාතේ සහ මඩකලපුව, අම්පාර, හම්බන්තොට සහ නුවරඑලිය දිස්ත්රික්කවල ඇතැම් ස්ථානවලට මිලිමීටර් 75 ට වැඩි තරමක් තද වැසි ඇති විය හැක.
_thumbnail.jpeg)
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්රවෘත්ති දෙපාර්තමේන්තුවේ නව මාධ්ය ඒකකය මගිනි.
