රටක් වශයෙන් අපේක්ෂා කරන පරිවර්තනීය වෙනස උදාකර ගැනීම සඳහා දියුණු මානව සම්පතක් අත්‍යවශ්‍ය වන බවත්, ඒ සඳහා අධ්‍යාපනය විධිමත්ව ගුණාත්මක අධ්‍යාපනයක් දරුවන්ට ලබා දීම රජයේ මූලික ප්‍රමුඛතාවය බවත් අග්‍රාමාත්‍ය ආචාර්ය හරිනි අමරසූරිය ප්‍රකාශ කළාය.

ආපදාවෙන් හානි වූ අත්‍යාවශ්‍ය සේවාවන් 99%ක් මේ වන විට සම්පූර්ණයෙන් යථා තත්ත්වයට පත් කර ඇති බව අත්‍යාවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති මහතා පැවසීය.

ප්‍රජා ශක්ති වැඩසටහන යනු ගමට බලය ලබා දෙන, ගමක පාලනය පිළිබඳ පුහුණුවක් ප්‍රජාවට ලබා දෙන සහ ජනතාව සවිබලගන්වන ජන සහභාගීත්ව වැඩසටහනක් බව කෘෂිකර්ම, පශු සම්පත්, ඉඩම් හා වාරිමාර්ග අමාත්‍ය කේ.ඩී. ලාල්කාන්ත මහතා පැවසීය.

පසුගිය වසරේ සුවිශේෂි පරිවර්තනයකට සහ පිබිදීමකට ලක් කළ මෙර‌ට තැපැල් සේවාවේ ප්‍රවාහන සේවාවන් තවත් කාර්යක්ෂම කිරීමට පියවර ගනිමින්  රුපියල් කෝටි පනස් නවයක් (590,000,000) ආසන්න වටිනාකමකින් යුත් ලොරි රථ 10 ක් සහ කෲ කැබ් 20 ක් මෙරට  තැපැල් ප්‍රවාහන ජාලයට ලබාදීම  සහ නියමු ව්‍යාපෘතියකට අනුව තැපැල්කරු මහතූන්ගේ යතුරුපැදි සඳහා තැපැල් බහාලුම් පෙට්ටි (Bicycle Carriers) බෙදාදීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් අද  (12) පස්වරු 1.00 ට තැපැල් මූලස්ථානයේ දී සිදු කිරීමට නියමිතය.

අතරමැදියන්ගේ ග්‍රහණයෙන් තොරව දේශීය ශිල්පියාට තම නිෂ්පාදන සඳහා උපරිම වටිනාකමක් ලබාදීම රජයේ ප්‍රමුඛ ප්‍රතිපත්තියක් බව කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා පැවසීය.