ඉන්දියාව සහ ශ්රී ලංකාව අතර සංස්කෘතික හුවමාරුවේදී හින්දි භාෂාව සැලකිය යුතු කාර්යභාරයක් ඉටු කරන බව අධ්යාපන, උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න මහතා පැවසීය.
All Stories
අග්රාමාත්ය ආචාර්ය හරිනි අමරසූරිය සහ ගැලවීමේ හමුදාවේ ජාත්යන්තර නායකයින් වන ජෙනරාල් ලින්ඩන් බකිංහැම් සහ කොමසාරිස් බ්රොන්වින් බකිංහැම් යන මහත්වරුන් අතර හමුවක් ජනවාරි 10 වන දින පාර්ලිමේන්තු සංකීරණයේ දී පැවැත්විණි.
උතුරු, උතුරු-මැද, නැගෙනහිර, ඌව සහ මධ්යම පළාත්වල විටින් විට වැසි හෝ ගිගුරුම් සහිත වැසි ඇතිවේ. නැගෙනහිර, ඌව සහ මධ්යම පළාත්වලත් පොලොන්නරුව දිස්ත්රික්කයේත් ඇතැම් ස්ථාන වලට මි.මි. 100 ට වැඩි තද වැසි ඇතිවිය හැක.
සැලසුමකින් තොරව, රජයේ රෝහල්වල ධාරිතාවයට සහ අවශ්යතාවයන්ට නොගැළපෙන භෞතික සම්පත් ලබාදීම මත රෝහල්වලට මෙන්ම අමාත්යාංශයට ද විවිධ ගැටලු මතුවීම් සහ චෝදනා එල්ලවීම් සිදුවන බව සෞඛ්ය හා ජනමාධ්ය අමාත්ය නලින්ද ජයතිස්ස මහතා පැවසීය.
අක්රීය තත්වයේ පැවති පුත්තලම ආණමඩුව, උප්පලවත්ත මහ වැවේ සොරරොව් දොර අලුත්වැඩියා කර නැවත ක්රියාකාරී තත්වයට පත් කිරීම සඳහා නාවික හමුදා කිමිදුම් සහාය ලබාදීමට පසුගිය දා නාවික හමුදාව විසින් කටයුතු කෙරිණි.
ත්රීකුණාමලය නාවික තඨාකාංගණය නැරඹිමේ සංචාර සඳහා අයදුම් කරනු ලබන ආයතන සහ පුද්ගලයින්ගේ පහසුව වෙනුවෙන් නාවික හමුදාව විසින් නිර්මාණය කළ, visitdockyard.navy.lk නව වෙබ් අඩවිය නිළ වශයෙන් ආරම්භ කිරීම, පසුගිය දා නාවික හමුදා නියෝජ්ය මාණ්ඩලික ප්රධානී හා නැගෙනහිර නාවික විධානයේ ආඥාපති, රියර් අද්මිරාල් ඩේමියන් ප්රනාන්දුගේ ප්රධානත්වයෙන් නාවික තඨාකාංගණයේ ප්රධාන පිවිසුම් දොරටුවේදී සිදු කෙරිණි.
අද සිට ඉදිරි දින කිහිපයේදී දිවයිනේ උතුරු, උතුරු-මැද සහ නැගෙනහිර පළාත්වලත් මාතලේ සහ නුවරඑලිය දිස්ත්රික්කවලත් වැසි තත්ත්වයේ වැඩි වීමක් බලාපොරොත්තුවේ.
මහ කන්නය සදහා පොහොර සහනාධාරය ලෙස රුපියල් 25,000ක් සහ රතුකුඩු පොහොර නොමිලේ ලබා දීමට රජය කටයුතු කරමින් සිටින බව අග්රාමාත්ය ආචාර්ය හරිනි අමරසූරිය සඳහන් කළා ය.
ගොවීන් සදහා පොහොර සහනාධාරය ලබා දීමට රජයේ වැඩපිළිවෙල සම්බන්ධයෙන් ජනවාරි 8 වන දින පාර්ලිමේන්තු විවාදයේදී මතු වූ ප්රශ්නයකට පිලිතුරු ලබා දෙමින් අග්රාමාත්යවරිය මේ බව පැවසුවා ය.
මෙහිදී අදහස් දැක්වූ අග්රාමාත්ය ආචාර්ය හරිනි අමරසූරිය,
"ඒ ඒ දිස්ත්රික්ක සඳහා පොහොර සහනාධාරය ලබා දිය යුතු කාල වකවානුව 2024 ඔක්තෝබර් පළවෙනි සිට 2025 පෙබරවාරි පළමුවනදා දක්වායි. ඒ සදහා රුපියල් 25000ක පොහොර සහනාධාරය රුපියල් 15000ක වාරිකයක් සහ රුපියල් 10000ක වාරිකයක් වශයෙන් අදියර දෙකකදී ලබා දීමට කටයුතු කරනවා. මේ වනවිට රුපියල් 15000ක පළමු වාරිකය ලබා දීලා තිබෙනවා. ගොවීන්ගේ පොහොර අවශ්යතාවය සපුරාලීම සඳහා සාධනීය සහ විධිමත් ක්රමයක් ක්රියාත්මක කිරීමට අප රජය කටයුතු කරනවා. "
ඒ සඳහා මේ වනවිට ගොවි සංවිධාන මගින් අදහස් ලබා ගනිමින් පවතින බවද අග්රාමාත්යවරිය පැවසුවා ය.
කුඹුරු ඉඩම් වල වී වගා කරන ගොවීන් සඳහා ලබා දෙන මූල්ය සහනාධාරයට අමතරව මියුරියේට් ඔෆ් පොටෑෂ් මෙට්රික් ටෝන් 25239 දශම හතයි තුනක ප්රමාණයක් රජය විසින් නොමිලේ ලබාදීමට මේ වන විට සැලසුම් කර ඇති බවද අග්රාමාත්ය ආචාර්ය හරිනි අමරසූරිය පැවසුවා ය.
සංචාරක වීසා මත පැමිණ මෙරට ව්යාපාර කිරීමට කිසිදු නීතිමය අවසරයක් නැති බවත් එවැනි සිද්ධි සම්බන්ධයෙන් රජය නීතිමය ක්රියාමාර්ග ගන්නා බවත් අග්රාමාත්ය ආචාර්ය හරිනි අමරසූරිය පැවසුවා ය.
තෛපොංගල් උත්සවය, නිදහස් උත්සවය සහ සති අන්ත නිවාඩු වෙනුවෙන් 2024 ජනවාරි සහ පෙබරවාරි මාස වල විශේෂ දුම්රිය කාල සටහනක් ප්රවාහන, මහා මාර්ග, වරාය සහ සිවිල් ගුවන් සේවා අමාත්යංශය විසින් නිකුත් කර තිබේ.
එම නිවේදනය මෙසේය,
2026 වසර ආරම්භයේ සිට සාමාන්ය පරිදි විභාග පැවැත්වීමටත් පාසල් වාරය සාමන්යපරිදි පවත්වාගෙනයාමටත් කටයුතු කර ඇති බව අග්රාමාත්ය ආචාර්ය හරිනි අමරසූරිය පැවසුවා ය.
ශ්රී ලංකා නාවික හමුදාව, වෙරළාරක්ෂක දෙපාර්තමේන්තුව හා එක්ව පසුගිය දා 08 වැනි දින රාත්රි කාලයේ යාපනය, කෝවිලන් ප්රදීපාගාරයට ඔබ්බෙන් වූ මෙරට මුහුදු සීමාවේ සිදුකළ විශේෂ සෝදිසි මෙහෙයුමක් මඟින්, මෙරට මුහුදු සීමාව තුළ අනවසර ධීවර කටයුතු සිදු කළ ඉන්දීය ධීවර යාත්රාවක් (01) සමඟ ඉන්දීය ධීවරයින් දස දෙනෙකු (10) අත්අඩංගුවට ගැනීමට කටයුතු කෙරිණි.
මෙරට ජීවත්වන ජනතාවට ගුණාත්මක, ප්රශස්ථ සහ විධිමත් නිදහස් සෞඛ්ය සේවාවක් අඛණ්ඩව ලබා දීම සඳහා ඉදිරි තෙවසර තුළදී ප්රධාන ධාරාවන් පහක් ඔස්සේ මෙරට සෞඛ්ය සේවාව සංවර්ධනය කිරීමට කටයුතු කරන බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පැවසීය.
