දරුවන්ගේ අනාගතය ඉදිරියට ගෙන යෑමට විශ්වවිද්‍යාල අධ්‍යාපනය, ප්‍රාථමික,ද්විතීයික අධ්‍යාපනය සඳහා විශාල මුදලක් වෙන්කර තිබෙන බවත් අයවැයෙන් ප්‍රමුඛතාව ලබාදී තිබෙන්නේ මේ රටේ අධ්‍යාපනයට බවත් ග්‍රාමීය ආර්ථිකය පිළිබඳ අමාත්‍ය පි. හැරිසන් මහතා ප්‍රකාශ කරයි.

යහපත් දේශයක්,ස්වර්ණමය සංවර්ධන යුගයක් නිර්මාණය කිරීම උදෙසා අඬිතාලම දැමීමක් හැටියට මෙම අයවැය හැදින්විය හැකි බව නිවාස හා ඉදිකිරීම් අමාත්‍ය සජිත් ප්‍රේමදාස මහතා පවසයි.

අපේ අඩුපාඩු තිබෙනවා,නම් ඒවා නම්‍යශීලීව, නිවැරදි කිරීමට මමත් මාගේ අමත්‍යාංශයත් සූදානමින් සිටින බව මුදල් අමාත්‍ය රවී කරුණානායක මහතා පැවසී ය.

ත්‍රස්තවාදී පනත යටතේ පුද්ගලයන් සංඛ්‍යාවක් නිදහස් කිරීමේ සිද්ධිය මඟින් ජාතික අරක්ෂාව සම්බන්ධයෙන් කිසිදු සැකයක් හෝ බියක් ඇතිකරගැනීමට අවශ්‍ය නොවන බවත් එහි පූර්ණ වගකීම හා බර රජය අරගෙන කටයුතු සිදු කර ඇතැයි අධිකරණ හා බුද්ධ ශාසන අමාත්‍ය විජයදාස රාජපක්ෂ මහතා ප්‍රකාශ කරයි.