අප්‍රේල් 20, 2024
විමර්ශන
මිනිසුන්ට ආදරේ මිනිහෙක්
සැප්තැම්බර් 15, 2014
කුමාර දිවියෙන් පහළට ඇද වැටී නිරා දුක් විඳ, යළිත් ඔටුනු අරා රජවන කතන්දර හැම රටකම ඇත. එවැනි චීන ජනකතා හෝ ඉතිහාස කතා මා නොදත් මුත් චීන ජනාධිපති ෂී චින්පිං (XI JINPING) මැතිතුමා 16 වැනි අඟහරුවාදා ශ්‍රී ලංකාවට එන්නේ එම ගණයේ සැබෑ කතන්දරයක් සනිටුහන් කරමින් බව සහතිකය.
ශ්‍රීලංකන් ගුවන් සමාගම 35 වන සංවත්සරය සමරයි
සැප්තැම්බර් 01, 2014
ශ්‍රී ලංකාවේ ජාතික ගුවන් සේවය වන ශ්‍රීලංකන් ගුවන් සමාගම වන්වර්ල්ඩ් ගෝලීය ගුවන් සේවා සන්ධානයේ නවතම සාමාජිකයා වශයෙන් (oneworld global airline alliance) සිය 35 වන සංවත්සරය කටුනායක ගුවන් සේවා මූලස්ථානයේදී අභිමානයෙන් අද (01) සමරනු ලබයි.
2014 ජූනි මාසයේ දී විදේශීය අංශයේ ක්‍රියාකාරිත්වය
අගෝස්තු 26, 2014
වෙළෙඳ හිඟයේ සැලකිය යුතු අඩුවීමත් සමඟ 2014 ජුනි මාසයේ දී විදේශීය අංශය තවදුරටත් ශක්තිමත් වූ බව නිරීක්ෂණය වී ඇතැයි ශ්‍රී ලංකා මහ බැංකුව පවසයි.
මුදල් ප්රතිපත්ති විවරණය - 2014 අගෝස්තු
අගෝස්තු 17, 2014
අයහපත් කාලගුණික තත්ත්වයන් හේතුවෙන් ඇතැම් ආහාර මිල ගණන්වල ඉහළ යෑම පිළිබිඹු කරමින් වාර්ෂික ලක්ෂ්‍යමය පදනම මත මනිනු ලබන මතුපිට උද්ධමනය පෙර මාසයේ පැවති 2.8% සිට 2014 ජූලි මාසයේ දී 3.6% දක්වා ඉහළ ගිය නමුත් එය තවදුරටත් තනි අංකයක මට්ටමේ පැවතුණු බව ශ්‍රී ලංකා මහ බැංකුව පවසයි. මේ අතර ඉල්ලුම් පීඩනය තුළින් ඇති වන මිල විචලනයන් පිළිබිඹු කරන මූලික උද්ධමනය 2014 ජූනි මාසයේ පැවති 3.5%ට සාපේක්ෂව 2014 ජූලි මාසයේ දී 3.7% දක්වා සුළු වශයෙන් වැඩි වී ඇත. අයහපත් කාලගුණික තත්ත්වයන් හේතුවෙන් සැපයුම් අවහිරතා ඇති විය හැකි වුව ද සාපේක්ෂ වශයෙන් ස්ථාවර ජාත්‍යන්තර වෙළෙඳ භාණ්ඩ මිල ගණන් මෙන්ම මනාව පාලනය වූ ඉල්ලුම් පීඩන සහ අඩු උද්ධමන අපේක්ෂා හේතුවෙන් ඉදිරියේ දී උද්ධමනය අඩු මට්ටමක පවතිනු ඇතැයි මහ බැංකුව අපේක්ෂා කරයි.
අමාත්‍ය තිස්ස කරල්ලියද්ද පාර්ලිමේන්තු දිවියට වසර 20යි
අගෝස්තු 16, 2014
ගොවි ජනතාව අතර ඉපිද, ගොවි ජනතාව අතරම හැදී වැඩී එම ජනතාවගේ ම ආශිර්වාදයෙන්, 1994 අගෝස්තු මස 16 වෙනි දින පැවති පාර්ලිමේන්තු මහ මැතිවරණයෙන් විශිෂ්ට ජයග්‍රහණයක් ලබන තිස්ස කරල්ලියද්ද මහතා දශක දෙකක් පුරාවට නුවර කලාවියේ අපරාජිත ජනතා හඬ බවට පත්වෙමින්, වචනයේ පරිසමාප්තාර්ථයෙන්ම නිකැළැල් දේශපාලන චරිතයකට හිමිකම් කියන්නේ ය.
මූල්‍ය අංශය ඒකාබද්ධ කිරීමේ ක්‍රියාවලිය සුවිශේෂී ප්‍රගතියක් කරා
අගෝස්තු 04, 2014
2014 ජූලි මාසය තුළ දී මූල්‍ය අංශය ඒකාබද්ධ කිරීමේ ක්‍රියාවලිය සුවිශේෂී ප්‍රගතියක් අත්පත්කර ගත් බව ශ්‍රී ලංකා මහ බැංකුව පවසයි.
ආර්.ඇම්. අප්පුහාමි මැතිතුමාට පාර්ලිමේන්තුවේ ශෝකය පළ වේ
ජූලි 25, 2014
බණ්ඩාරවෙල හිටපු පාර්ලිමේන්තු මන්ත්‍රී ආර්.ඇම්. අප්පුහාමි මැතිතුමාගේ අභාවය පිළිබඳ ශෝක යෝජනාව අද (25) පාර්ලිමේන්තුවට ඉදිරිපත්කරමින් ආණ්ඩු පක්ෂයේ ප්‍රධාන සංවිධායක අමාත්‍ය දිනේෂ් ගුණවර්ධන මහතා පැවැත් වූ කතාව.
ටියුඩර් දයාරත්න මැතිතුමාට පාර්ලිමේන්තුවේ ශෝකය පළ වේ
ජූලි 25, 2014
කළුතර දිස්ත්‍රික් හිටපු පාර්ලිමේන්තු මන්ත්‍රී ටියුඩර් දයාරත්න මැතිතුමාගේ අභාවය පිළිබඳ ශෝක යෝජනාව අද (25) පාර්ලිමේන්තුවට ඉදිරිපත්කරමින් ආණ්ඩු පක්ෂයේ ප්‍රධාන සංවිධායක අමාත්‍ය දිනේෂ් ගුණවර්ධන මහතා පැවැත් වූ කතාව.
බෝයාවේ නළය පිපිරීමෙන් තෙල් ගොඩබෑම අඩපණවීමෙන් ඇති වූ තත්ත්වය මත කිසිදු ප්‍රමාද ගාස්තුවක් මේ දක්වා ගෙවා නැති බවත් කිසිදු සමාගමක් ද ප්‍රමාද ගාස්තුවක් ඉල්ලා නොමැති බවත් ඛනිජතෙල් කර්මාන්ත ඇමැති අනුර ප්‍රියදර්ශන යාපා මහතා පාර්ලිමේන්තුවේදී අද (24) ප්‍රකාශ කළේය.
අන්තර්ජාලය හරහා සිදුවන ළමා අපයෝජන අවම කරමු
ජූලි 18, 2014
ජාතික ළමා ආරක්ෂක අධිකාරිය සමස්ත ශී‍්‍ර ලාංකේය ළමා පරපුර සියලු ආකාරයේ අපයෝජනයන්ගෙන් ආරක්ෂා කරමින් ඔවුන්ට වඩාත් සුරක්ෂිත සමාජ වටපිටාවක් නිර්මාණය කිරීමේ අභියෝගාත්මක මෙහෙවරෙහි නිරතව සිටී.
අඳුරින් මිදෙන යකා වැව ගම්මානය
ජූලි 15, 2014
මතකය අවදි කිරීමට පවා අසීරු කැබිතිගොල්ලෑව බස් බෝම්බයෙන් සිදුවු ඛේදවාචකය අද මෙන් කාගේත් හිත් තුළ සටහන්ව තිබේ.
මුදල් ප්රතිපත්ති විවරණය - 2014 ජූලි
ජූලි 15, 2014
අඩු උද්ධමනාත්මක පරිසරය තවදුරටත් අඛණ්ඩව පවතින බව පෙන්නුම් කරමින්, වාර්ෂික ලක්ෂ්‍යමය පදනම මත මනිනු ලබන උද්ධමනය 2012 පෙබරවාරි මාසයේ සිට වාර්තා වන අඩුම අගය 2014 ජූනි මාසයේදී වාර්තා කළ අතර වාර්ෂික සාමාන්‍ය උද්ධමනය ද අඩු වන ප‍්‍රවණතාවක් පෙන්නුම් කරන ලදී.
සාමයෙන් පිබිදෙන අලුත්ගම, බේරුවල සහජීවනය
ජූලි 11, 2014
වෛරයෙන් වෛරය නොසන්සිඳේ. මෛත්‍රීයෙන් වෛරය ජයගත යුතුය.
නෙලුම් කුලුන බල හැඩවන කොළොම්පුර
ජූනි 20, 2014
නිල් අහස සිඹින්නට මෙන් අහස අරා නැගෙන නෙළුම් පොහොට්ටුවේ සොඳුරු දසුන කොළඹ පුරවරයටම අලුත් සුන්දරත්වයක් තව නොබෝ දිනකින් ගෙන එනු ඇත. එය හෙට දවසක කොළඹ නගරයේ ආකර්ෂණීයත්වයේ සංකේතයක් බවට පත්වේ.
සුරක්ෂිත මාතෘත්වය සඳහා ආරක්ෂිත රුධිරය
ජූනි 16, 2014
ගර්භනී සමයේදී දරු ප්‍රසූතියේදී හෝ පසු ප්‍රසව අවධියේදී ලොව පුරා මව්වරුන් 800ක් පමණ දිනපතා මරු මුවට පත්වෙයි. ඒ අතරින් 99%ක් ම අයත් වන්නේ සංවර්ධනය වෙමින් පවතින රටවලටයි. දරු ප්‍රසූතියේදී හෝ ඉන් අනතුරුව සිදු වන අධික රුධිර වහනය මේ මාතෘ මරණවලට හේතු වන අතර ආසියානු කලාපයේ මාතෘ මරණවලින් 31%කට හේතු වන්නේ මේ අධික රුධිර වහනයයි.
අනුරපුර වට රවුම් - ගෙනෙයි සිරි මනරම්
ජූනි 12, 2014
මිස්සක පව් ගිර පෙනෙන ඉම, රන් වැලි සෑ කොත් දිලෙන බිම, එමතු ද නොව අනේක විධ සංස්කෘතික දායාදයන් ගෙන් හෙබි අනුරාධපුරය, එදා මෙදා තුර නෙක විසිතුරු පාන්නීය.
මිහින්තලා කඳු මුදුනින් ගලා ආ බුදු දහම මෙරට පළමුව කේන්ද්‍ර වූයේ අනුරාධපුරයේ ය. එහෙයින් එදා මෙදා තුර ශ්‍රී ලංකා ද්වීපයෙහි ගොඩනැඟුණු සංස්කෘතියේ, රන් හදවත “අනුරාධපුරයම” වේ. මෙම පරම පූජනීයත්වයට පත් පිං බිම පියකරු පුරවරයක් කරන්නට වෙහෙස වූවෝ අපමණය. ඈත අතීතයේ පැවතියාක් මෙන්ම අදටත් අනුරපුර මනස්කාන්තව බැබළෙන්නේ, එය පියකරු කරන්නට කා‍ලෝචිත නවාංග එපුර පුරාවට එකතු කළ නිසාමය.
අනුරාධපුර පදනම් කරගෙන වට රවුම් සංස්කෘතියක් ගොඩ නැඟෙන තරමේ විශේෂතා රැසක් දක්නා ලැබේ. විශේෂයෙන්ම මෙම නගරය ශ්‍රී ලංකාවේ වැඩිම වට රවුම් සංඛ්‍යාව ඇති නගරය බැව් අවිවාදිතව කිව හැකිය. පූජා නගරය ඇතුළු නගර සීමාව තුළ වට රවුම් 18ක් පමණ පවතින බව අනුරාධපුර නාගරික කොමසාරිස් සම්පත් රෝහණ ධර්මදාස මහතා පවසයි. 13කට පමණක් සීමා වී තිබු වට රවුම් සංඛ්‍යාව 18ක් දක්වා මේ වන විට වැඩිකර තිබේ. මෙලෙස වටරවුම් සංඛ්‍යාව වැඩි කරන්නේ ඇයි දැයි කෙනෙකුට හැඟෙන්නට පිළිවන. වර්ෂයේ සෑම කාලසීමාවකම මහජනතාව නොමඳව ගැවසෙන නගරයක් ලෙසත්, දිවයිනේ නන් දෙසින් පැමිණෙන රථ වාහනවලින් පිරුණු නගරයක් ලෙසත් නම් දරා ඇති මෙම නගරයේ ඇතිවන දැඩි රථ වාහන තදබදය අවම කිරීමට මෙම වට රවුම් හරහා සහය ලැබී තිබේ. එමෙන්ම ඇතිවන රිය අනතුරු මගී අනතුරු ආදිය ද අවම මට්ටමක පැවතීමට විධිමත් නගර සැලසුම්කරණය හමුවේ ගොඩනගා ඇති වටරවුම්වලින් ද ඉහළ පිටු බලයක් ලැබී ඇත.
මෙම වටරවුම් අතර ප්‍රධාන වටරවුම් කිහිපයකි. ශ්‍රී සම්බුද්ධත්ව ජයන්ති වට රවුම, ඩී.එස්. සේනානායක, සිංහ කණුව, කොබ්බෑකඩුව, ආයුර්වේද, පළාත් සභා වට රවුම ආදී වශයෙන් වර්තමාන ව්‍යවහාරයේ පවතින වට රවුම් අනුරාධපුර නගරයේ පවතින ප්‍රධාන වටරවුම් කිහිපය ලෙස ගණන් ගැනේ.
ඒ අතරතුර වට රවුම් පිළිබඳව සාකච්ඡා කළ යුතු වැදගත් ම කාරණය වන්නේ එය නගර අලංකරණයට දක්වන දායකත්වයයි.හෝරා මාපකයකින් හෝ ඓතිහාසික සිහිවටනයකින් හෝ දේශමාමක පුද්ගලයකුගේ රුවකින් ආදී වශයෙන් විවිධ නිරූපණයන්ගෙන් හැඩවන වට රවුම් අනුරාධපුර නගර කුමරිය සරසන ආභරණ බඳුය. ඓතිහාසික ශ්‍රී විභූතිය වර්තමාන ජනතාවට කියා දෙන්නට මෙම වටරවුම් හරහා ද උත්සාහ දරා ඇත. ඒ අතුරින් සම්බුද්ධත්ව ජයන්ති වටරවුම පිළිබඳව කරුණු කීම කාලෝචිතය. ඉතා මනරම් ශිලා ස්ථම්භයක් දක්නට ලැබේ. මෑත කාලීන ප්‍රතිසංස්කරණවලදී එම ස්ථම්භය කරවා මහින්ද රාජපක්ෂ ජනාධිපතිතුමා විසින් විවෘත කරනු ලැබුවේ, 2600වන සම්බුද්ධත්ව ජයන්තිය නිමිති කර ගෙනය. අනුරාධපුර ශ්‍රී සම්බුද්ධ ජයන්ති විහාරයේ විහාරාධිපති උතුරු හා උතුරු මධ්‍යම දෙදිසාවේ ප්‍රධාන සංඝනායක පූජ්‍ය පණ්ඩිත නුගේතැන්නේ පඤ්ඤානන්ද නාහිමියන්ගේ අදහසක් අනුව මෙම සම්බුද්ධත්ව ජයන්ති ශිලා ස්ථම්භය ඉදිකෙරිණි. ඒ සඳහා පූර්ණ ධන පරිත්‍යාගය ලබා දී ඇත්තේ ලංකා බැංකුව මගිනි.
ඓතිහාසික අනුරාධපුරයේ ප්‍රතාපවත් බව කියා පාමින් කණ්ඩුල ඇතු මතින් දුටු ගැමුණු රජතුමා රුවන්වැලි මහා සෑය දෙසට ගමන් කරන විලාසයක් පෙන්වන අපූර්ව නිමැවුමකින් අලංකාරවත් කර ඇති පළාත් සභා වට රවුම ද මන බඳනා එකකි. “සුරපුරය’’ ලෙස නම් කරන අනුරාධපුර ප්‍රධාන දේශපාලන මධ්‍යස්ථානය වන නව පළාත් සභා ගොඩනැගිල්ල අභියස තිබෙන මෙම පිළිරුවෙන් අතීතය හා වර්තමානය අපුර්ව ලෙස ගලපා එය සෞන්දර්යාත්මකව ජනතා මනසට එකතු කරයි. එය එතැනින් යන එන ඕනෑම කෙනෙකුගේ සිත් පැහැරගන්නා දර්ශනයකි.
ආයුර්වේද වටරවුමේ දිස්වන රුව පරාක්‍රමබාහු රජතුමාගේ ය. පුස්කොළ පොතක් අත තබා සිටින්නේ යැයි විරුදාවලි ලබන පැරකුම් නරේන්ද්‍රයාණන්ගේ අනුරුවක් සමඟ ආයුර්වේද රෝහල ගැලපීමේ දී ඒ දෙතැනින්ම අපේ අතීතයට ගමන් කළ හැකිය. අනුරාධපුර දුම්රිය ස්ථානය පසුකර පුජා නගරයට ප්‍රවිෂ්ඨ වන ස්ථානයේම පිහිටා ඇති සිංහ කණුව අනුරාධපුර අටමස්ථානය වන්දනා කරන්නට යන කාගේත් නෙත ගැටී ඇතිවාට සැක නැත. මනරම් ශිලා ස්ථම්භය මුදුනෙහි පිහිටුවා ඇති සිංහ රුව හෙළදීපයේ ප්‍රෞඪත්වයේ සංකේතයක් බඳුය.
අතීත සමාජ, ආර්ථික දේශපාලනික ස්වභාවයන්, මතුවන ආකාරයේ නිරූපණයන් සහිත වටරවුම් සේම, මෑත ඉතිහාසයේ තත්ත්ව මතු කරන නිරූපණයන් ද අනුරාධපුර වටරවුම් සංස්කෘතිය පිරික්සීමේ දී හිඟ නැත.
අනුරපුර රෝහල අසල ඇති, කොබ්බෑකඩුව වට රවුම ඊට කදිම නිදසුනකි. දැනටත් ඉතා අලංකාරවත් ලෙස නඩත්තු කටයුතු පවත්වාගෙන යන මෙහි මෙරට පැවැති කුරිරු යුද්ධයේ දී රට වෙනුවෙන් දිවි පිදූ අභීත සෙන්පති ඩෙන්සිල් කොබ්බෑකඩුව මහතාගේ පිළිරුවක් පිහිටුවා තිබේ.
අනුරාධපුර නගර මධ්‍යයේ දක්නට ඇති අනෙක් වැදගත් අලංකාරවත් වටරවුම සාමාන්‍ය ව්‍යවහාරයේ දී ඩී.එස්. වට රවුම ලෙස නම් කරයි. නිදහස් ශ්‍රී ලංකාවේ ප්‍රථම අග්‍රාමාත්‍යවරයා හෙවත් ජාතියේ පියා ලෙස බුහුමන් ලබන ඩී.එස්. සේනානායක මහතාගේ පිළිරුව නගරයට අමුතු ගාම්භීරත්වයක් එක් කරයි. එතුමාගේ ජනතා සේවය සැමරීම වෙනුවෙන් රජරට ගොවි ජනතාව විසින් පිහිටුවන ලද බව එම පිළිරුව පාමුල සඳහන් කර තිබේ. මේ හැරුණු කොට නගර මධ්‍යයෙන් ඔබ්බෙහි තවත් වටරවුම් කිහිපයක් ද පූජා නගරය කේන්ද්‍ර කරගෙන තවත් වටරවුම් කිහිපයක්ද දැකිය හැකිය.
මේවා මේ තරමට ම විසිතුරු ලෙස පෙනෙන්නට සලස්වන්නේ කවුරුන්දැයි කාටත් පැනයකි. නමුත් මේ සා විශාල කාර්යභාරයක් සඳහා රාජ්‍ය හා පෞද්ගලික යන අංශ දෙකම ඉහළ වුවමනාවකින් මැදිහත්ව සිටී. බොහෝ දුරට මෙම වටරවුම් නිමවා වර්ෂය පුරා නඩත්තු කරන්නේ නගරාලංකරණය අපේක්ෂා කරන කිසියම් පෞද්ගලික ආයතනයකිනි. ඒ අනුරාධපුර නගර සභාව සමඟ පුර්ණ ගිවිසුම්ගත වීමක් සහිතවය. මේ දිනවල වටරවුම් ප්‍රතිනිර්මාණය කිරීමේ වැඩපිළිවෙළක් ද අනුරාධපුර නගර සභාව, නාගරික සංවර්ධන අමාත්‍යංශය ආදිය රාජ්‍ය ආයතන ඒකාබද්ධ වෙමින් ආරම්භ කර තිබේ. එහි ආරම්භයක් ලෙස ඩී.එස්. වටරවුම හා ලංකා බැංකු වටරවුම මේ වනවිටත් අලංකාරවත් ලෙස ප්‍රතිසංස්කරණය කර පවත්වාගෙන යයි. මෙම ප්‍රතිසංස්කරණ වැඩපිළිවෙළේ දී එක් වට රවුමක් සඳහා ලක්ෂ 8ක පමණ මුදලක් වැය වන බවද අනුරාධපුර නාගරික කොමසාරිස්වරයා සඳහන් කළේය.
වර්තමාන රජයෙහි මහින්ද චින්තන ඉදිරි දැක්මේ 20 පිටුව තුළ ඇති සඳහනක් සිහිපත් වේ. “අපේ රටේ ශිෂ්ටාචාරය ගොඩනැඟුණේ මෙත්තාව, මුදිතාව, කරුණාව තුළිනි.” යනුවෙන් එහි සඳහන් ව ඇත. එමෙන්ම එහි විසි දෙවන පිටුවෙහි “අතීත අභිමන හෙටටත්” යන හිසින් යුක්තව මෙසේ සඳහන් කර තිබේ. “ශ්‍රී ලංකාවේ සියලු අතීත හා ජාතික උරුමයන් සුරක්ෂිත කොට අනාගත පරපුරට දායද කිරීම රජයේ ප්‍රමුඛ වගකීමක් ලෙස සලකන්නෙමි.”
එම ප්‍රකාශවලින් නොනැවතී ඓතිහාසික ශ්‍රී විභුතිය ද එලෙසම සුරක්ෂිත වන පරිදි අනුරාධපුරය වැනි මිහිඳු සංස්කෘතියේ සමාරම්භය සනිටුහන් කළ පුණ්‍ය භූමියක අලංකාරය හා ඓතිහාසිකත්වය යන දෙඅංශය ම සුරක්ෂිත කරමින් සිදුකරන වටරවුම් ප්‍රතිසංස්කරණ වැඩපිළිවෙළ අගය කළ මනාය. මේ වෙනුවෙන් කැපවන නගරාධිපතිවරයා, එහි අනෙකුත් දේශපාලන අධිකාරියේ මැදිහත්වීම අගය කළ මනාය. විශේෂයෙන්ම අනුරාධපුර පරිපාලනයේ මුදුන තමන් බව තේරුම් ගෙන නිරතුරුවම අතීත සංස්කෘතිය සිහිගන්වන අතරතුර එය සුරකිමින් අනුරාධපුරය කාලීනව හැඩගැස්වීමට සාර්ථක වෙහෙසක නිරතවන අනුරපුර මහ දිසාපති මහින්ද සෙනවිරත්න මහතාගේ මැදිහත්වීම ද අගය කළ යුතුය.
අනුරාධපුර අටමස්ථානාධිපති පූජ්‍ය පල්ලේගම සිරිනිවාසාභිධාන නාහිමියන්ගේත්, රුවන්වැලි චෛත්‍යාරාමාධිපති නුවර කලාවියේ ප්‍රධාන සංඝනායක පල්ලේගම හේමරතන හිමිපාණන් ඇතුළු මහා සංඝරත්නයේ උපදෙස් අනුශාසනා මෙම කටයුතු සාර්ථක වීමට ආශිර්වාදයකි.
අනුරාධපුරය ඉහළට ඔසවා තැබීමට වෙර දරන සියලුම පිරිස් එකට එක්ව නිතර සාකච්ඡා කර සාර්ථක සම්මුතින්වලට එළැඹීම හරහා එකමුතුකම ප්‍රදර්ශනය කිරීම නගරය සංවර්ධනය වීමට මූලික හේතුව වී තිබේ. කඩිනමින් ප්‍රතිසංස්කරණය වන අනුරපුර වටරවුම් සංස්කෘතියේ අලුත් වීමද රටට කියාපාන්නේ නව නගර සංවර්ධනයේ විශිෂ්ටත්වයයි.
ෂෙල්ටන් බණ්ඩාර
ප්‍රවෘත්ති නිලධාරී - අනුරාධපුරය
ඉන්දීය රජය ශ්‍රී ලංකාව සමඟ ඉතා කිට්ටු සම්බන්ධතා ගොඩනඟා ගැනීමට සූදානම් - ආචාර්ය සුබ්‍රමනියම් ස්වාමි
මැයි 20, 2014
ඉන්දියාවේ අබිනවයෙන් පත් වූ භාරතීය ජනතා පක්ෂ රජය ශ්‍රී ලංකාව සමඟ ඉතා කිට්ටු සම්බන්ධතාවන් ගොඩනඟා ගැනීමට දැඩි උනන්දුවකින් කටයුතු කරන බව භාරතීය ජනතා පක්ෂයේ ආචාර්ය සුබ්‍රමනියම් ස්වාමි මහතා පවසයි.
පිරිවෙනේ දියුණුව අධ්‍යාත්මයේද දියුණුව වේ නම්....
මාර්තු 23, 2014
ලංකාවේ භින්ෂූන් වහන්සේගේ අධ්‍යාපනය පිළිබඳ කතාකරන විටම පිරිවෙන් අධ්‍යාපනය ගැනත් කතාකරන්නට වෙන්නේ අනිවාර්යයෙන්. මුල් කාලයේ සිටම භික්ෂූන් වහන්සේ අධ්‍යාපනය ලැබූ ස්ථානයත් වාසස්ථානයත් යන අර්ථ දෙකෙන්ම ගම්‍ය වෙන්නේ පිරිවෙන.
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
