නොවැම්බර් 28, 2024
Prabhath Rathnayaka
පළාත් පාලන ආයතනවල කැළිකසල කළමනාකරණයට කඩිනම් වැඩපිළි‍වෙළක් -නියෝජ්ය අමාත්‍ය අනුරාධ ජයරත්න
පෙබරවාරි 11, 2016සියලු පළාත් පාලන ආයතනවල කැළිකසල කළමනාකරණය සදහා කඩිනම් වැඩපිළිවෙලක් ගෙන එන බව මහවැලි සංවර්ධන හා පරිසර නියෝජ්ය අමාත්‍ය නිතීඥ අනුරාධ ජයරත්න මහතා පැවසීය.
කටුගස්තොට, නවයාලතැන්න පළාත් පාලන පුහුණු ආයතනයේ දී ඉකුත්දා පැවති මහනුවර දිස්ත්‍රික් පළාත් පාලන ආයතන කැළිකසල කළමනාකරණය පිළිබදව එහි නියෝජිතයන් දැනුවත් කිරීමේ අවස්ථා‍වේ දී නියෝජ්ය අමාත්‍යවරයා මේ බව ප්‍රකාශ කරනු ලැබීය.
මහනුවර දිස්ත්‍රික් පළාත් පාලන ආයතන 22ක කැළිකසල කළමනාකරණය පිළිබදව එහි නියෝජිතයන් දැනුවත් කොට අදහස් ලබා ගැනී‍ම මෙහි දී සිදුවිය. ඝන අපද්‍රව්‍ය කළමනාකරණය සදහා වූ නව වැඩපිළිවෙල යටතේ එක් පළාත් පාලන ආයතනයකට රුපියල් මිලියන දෙකක මුදලක් හා අවශ්‍ය උපකරණ මෙන්ම සෙසු පහසුකම් ද ලබාදීමට සැලසුම් කර ති‍බේ.
"මහනුවර දිස්ත්‍රික්කයේ පළාත් පාලන 22හි දිනකට කැළිකසල මෙට්‍රික් ටොන් දෙසීයක් පමණ එකතු වෙනවා. මහනුවර මහ නගර සභාව සතු බලප්‍රදේශයේ පමණක් දිනකට ඉවතලන ප්‍රමාණය ටොන් එකසිය පනහයි. මහනුවරට විසදුම් ලබා දීමට හැකියාව ලැබුණ හොත් තවත් පළාත් පාලන ආයතන එකොළහකට ඉතා පහසු විසදුම් ලබා දිය හැකියි. ඝන අපද්‍රව්‍ය ප්‍රතිචක්‍රීයකරණයේදී අධික විදුලි බලයක් වැය වන ව්‍යාපෘති කිහිපයක් මේ වන විට අසාර්ථකත්වයට පත්ව තිබෙනවා. මේ නිසා ආදර්ශයක් වශයෙන් මහනුවර ගොහාගොඩ ව්‍යාපෘතිය කඩිනමින් ආරම්භ කිරීමට පියවර ගන්නවා" යැයි නියෝජ්ය අමාත්‍යවරයා පැවසීය.
"කැළිකසල බැහැර කරමින් කළමනාකරණය කිරීම සදහා පසුගිය කාලවල විවිධ වැඩසටහන් ක්රියාත්මක කළත් එහි ගැටලුව වුණේ ආරම්භ කළ ව්‍යාපෘතිය නොව එය අඛණ්ඩව නිසි පරිදි ක්රියාත්මක නොකිරීමයි. ව්‍යාපෘතිය ආරම්භයේ සිට වර්ෂ කිහිපයක් හොදින් ක්රියාත්මක කොට පසුව එය අඩාල වන්නේ නම් එහි වරද ඇත්තේ ව්‍යාපෘතියේ නොව එය ක්රියාත්මක කරන පුද්ගලයන් මතයි. ඒ නිසා පළාත් පාලන ආයතනවල වගකීම වන්නේ ආරම්භ කළ ව්‍යාපෘති නිසි අයුරින් අඛණ්ඩව ක්රියාත්මක කිරීමට සිය උපරිම දායකත්වය ලබාදීමයි. රටේ නායකත්වය මේ සදහා නිසි නායකත්වය ලබා දුන්නත් එය විධිමත් අයුරින් ක්රියාත්මක නොවන්නේ නම් ජනතා හිතවාදී සේවයක් ඉටු කළ නොහැකියි යනු‍වෙන් නියෝජ්ය අමාත්‍යවරයා වැඩිදුරටත් සඳහන් කරනු ලැබීය.
මධ්‍යම පළාත් ප්‍රධාන අමාත්‍ය සරත් ඒකනායක, මහනුවර පුරපති සේන දිසානායක මහතා ඇතුළු මහජන නියෝජිතයන් හා මධ්‍යම පරිසර අධිකාරිය, ශ්‍රී ලංකා මහවැලි අධිකාරිය සහ පළාත් පාලන ආයතන ඇතුළු රාජ්‍ය නිලධාරීන් රැසක් මෙම වැඩසටහන සදහා සහභාගීව සිටියහ.
ජනාධිපතිතුමාගේ ජර්මානු සංචාරය ශ්‍රී ලංකාවට වාසී රැසක් උදාකරනවා-නියෝජ්ය අමාත්‍ය හර්ෂ ද සිල්වා
පෙබරවාරි 11, 2016ශ්‍රී ලංකාව, ජර්මනිය සමඟ පවතින්නා වූ මිත්‍රත්වය වර්ධනය කරගැනීම ඔස්සේ බොහෝ ආර්ථික වාසී ලබාගත හැකි බව විදේශ කටයුතු නියෝජ්ය අමාත්‍ය ආචාර්ය හර්ෂ ද සිල්වා මහතා පවසයි.
දේශපාලනයේ කාන්තාවන්ට විශේෂ නියෝජනයක් ලබාදීම කාන්තා ජයග්‍රහණයක්
පෙබරවාරි 11, 2016ප්‍රාදේශීය දේශපාලනය තුළ කාන්තා නියෝජනය වැඩි කිරීම සම්බන්ධයෙන් ඉදිරිපත් වූ පනත පාර්ලිමේන්තුව තුළ සම්මතවීම මෙරට දේශපාලනයේ ඓතිහාසික අවස්ථාවක් බව පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා පවසයි.
අද සිට 13 දක්වා තෙදින මදුරු මර්දන වැඩසටහනක්
පෙබරවාරි 11, 2016බස්නාහිර පළාත ඇතුළු ඩෙංගු අධි අවධානම් දිස්ත‍්‍රික්ක 07 ක් මූලික කරගෙන පෙබරවාරි (11) අද සිට 13 දක්වා තෙදින මදුරු මර්දන වැඩසටහනක් ක්රියාත්මක කෙරෙන බව සෞඛ්‍ය අමාත්‍යාංශය පවසයි.
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
