දෙවන යාවත්කාලීන කිරීම: ජනාධිපතිතුමා මෙවර අය-වැයෙන් කාන්තා සංවර්ධනය සඳහා විවිධ යෝජනා රැසක් ඉදිරිපත් කර ඇති බව ළමා සංවර්ධන හා කාන්තා කටයුතු අමාත්‍යා තිස්ස කරලියද්ද මහතා පවසයි.

මහේෂ්වරන් මහත්මිය කිලිනොච්චියේ 40,000ක් වැන්දඹුවන් සිටින බව කියනවා. එහි සිටින යුද්ධයෙන් පීඩාවට පත් 20% හැර ඉතුරු අය පුරුෂයා ස්වභාවික මරණ හෝ දික්කසාද මත තනි ව සිටින අයයි. ජාත්‍යන්තරයට මෙවැනි වැරදි තොරතුරු දෙන්න එපා. සත්‍ය තොරතුරු පමණක් හෙළි කරන්න යැයි ආර්ථික සංවර්ධන නියෝජ්‍ය අමාත්‍ය එම්.එල්.ඒ.එම්. හිස්බුල්ලා මහතා පවසයි.

යුද්ධය නිසා පියා, මව අහිමි වන දරුවන් ව එයින් මුදවා ගත්තේ අතිගරු ජනාධිපතිතුමා බවත් කාන්තාව අද රටේ සියලු ක්ෂේත්‍රයන්හි ඉදිරියට ගොස් ඇති බවත් පාර්ලිමේන්තු මන්ත්‍රිනී සුදර්ශනී ප්‍රනාන්දු පුල්ලේ මහත්මිය පැවසුවාය.

කාන්තා රැකවරණය ශක්තිමත් කරන්න මෙවර අය-වැයෙන් වැඩි මුදලක් වෙන් කර ඇති බවත් කාන්තා හා ළමා හිංසනය සඳහා කටයුතු කිරීමට වෙනම ම කාන්තා පොලිස් ඒකකයක් පිහිටුවීමට පියවර ගෙන ඇති බවත් පාර්ලිමේන්තු කටයුතු අමාත්‍ය සුමේධා ජී. ජයසේන මහත්මිය පවසයි.

නිදහසින් පසුව අධ්‍යාපන අමාත්‍යංශයට වෙන්කරලා තියෙන ඉහළම ප්‍රාග්ධන ප්‍රමාණය වෙන්කරපු පළවැනි අය-වැය ලේඛනය මෙය බවත් අනාගතයේ නිපුණතා, දක්ෂතා ඇති දරු පරම්පරාවක් ගොඩනැඟීමට ජනාධිපතිතුමා මේ අය-වැය ඉදිරිපත් කර ඇති බවත් අධ්‍යාපන ඇමති බන්දුල ගුණවර්ධන මහතා ඊයේ (087) පාර්ලිමේන්තුවේ දී පැවසීය.

එදා තිබුණා ගල් කටස් යුගයක්. ප්‍රාදේශීය ලේකම්වරු ඝාතනය කළා. රාජ්‍ය සේවකයෝ ඝාතනය කළා. පොලිසියේ අයට ඉල්ලා අස්වෙන්න කිව්වා. එදා ඒ ඝාතකයන්ම තමයි අද ඇවිල්ලා ජනාධිපතිතුමා ග්‍රාම සේවකයින්ට දන්සැලක දානයක් දෙනවා කියා ඉතාමත් පහත් තුච්ඡ විදියට මේ ගරු සභාවේ කතා කළේ යැයි ජනමාධ්‍ය හා තොරතුරු අමාත්‍යංශයේ අධීක්ෂණ මන්ත්‍රී ඒ.එච්.එම්. අස්වර් මහතා ඊයේ (08) පාර්ලිමේන්තුවේ දී පැවසීය.

(දෙවන යාවත්කාලීන කිරීම - වීඩියෝ) ජන ඝනත්වය අනුව බලන විට අදටත් උතුරු පළාතේ රාජ්‍ය සේවකයින් වැඩි බවත් ජාතිවාදී, කුලවාදී, වර්ගවාදී කිසි ම භේදයක් නැති ව රාජ්‍ය සේවයට බඳවා ගැනීම රජය සිදු කරන බවත් සමාජ සේවා ඇමැති ෆිලික්ස් පෙරේරා මහතා ඊයේ (08) පාර්ලිමේන්තුවේ දී පැවසීය.