ජූලි 20, 2019
tami eng youtube  twitter facebook
    logo

    2015 අයවැය

    විසර්ජන පනත් ‍කෙටුම්පත (අය-වැය) 2015 ‍වෙනු‍වෙන් කාරක සභා අවස්ථාවේ විවාදය සඳහා වෙන් කළ දින 17න් 10 වැනි දිනය වන අද (14) අමාත්‍යාංශ දෙකක වැය ශීර්ෂයන් සම්මත කර ගැනීම සඳහා පාර්ලි‍මේන්තු විවාදය පැවැත් ‍වේ.

    අද (13) පාර්ලිමේන්තුවේ දී විසර්ජන පනත් කෙටුම්පත (අය-වැය) 2015 යටතේ විවාදයට ගත් යෞවන කටයුතු හා නිපුණතා සංවර්ධන අමාත්‍යාංශය සහ ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍යංශය යන අමාත්‍යංශවල වැය ශීර්ෂයන් සම්මත විය.

    (දෙවන යාවත්කාලීන කිරීම - වීඩියෝ) අපේ ආයතනවල වැඩ කරන නිලධාරීන්ට ඔවුන් කැමති දේශපාලන මතයක් දරන්න අයිතියක් තිබෙන බවත් එය වරදක් ලෙස දකින්නේ නැති අතර මොන දේශපාලන මතය දැරුවත් එම නිලධාරීන් විශේෂ වැඩ කොටසක් කරනවා යැයි ඉදිකිරීම්, ඉංජිනේරු සේවා නිවාස හා පොදු පහසුකම් නියෝජ්‍ය අමාත්‍ය ලසන්ත අලගියවන්න මහතා පවසයි.

    (දෙවන යාවත්කාලීන කිරීම - වීඩියෝ) එජාපය නිවාස ලක්ෂ 15ක් ඉදිකළ බව කියන අතර එහෙම ඉදි කළා නම් අද නිවාස ප්‍රශ්නයක් තිබෙන්නට නොහැකි බවත් නැවත පදිංචි කිරීමේ අමාත්‍ය ගුණරත්න වීරකෝන් මහතා පවසයි.

    (දෙවන යාවත්කාලීන කිරීම - වීඩියෝ) ගෙවුණු අවුරුදු 04 තුළ ශ්‍රී  ලංකාවේ ස්ථිර නිවාස ප්‍රතිශතය 81%ක් බවත් දළ දේශීය නිෂ්පාදනයට ඉදිකිරීම් කර්මාන්තයේ දායකත්වය 2013දී 8.6%ක් වන අතර 2014 පළමු කාර්තුව තුළ එය 9.7%ක් ලෙස ඉදිරියට ගොස් ඇති බවත් ඉදිකිරීම්, ඉංජිනේරු සේවා, නිවාස හා පොදු පහසුකම් අමාත්‍ය විමල් වීරවංශ මහතා පවසයි.

    නිවාස යෝජනා ක්‍රම යටතේ එක් එක් ආසන පදනම් කොට ගෙන ජනතාවට දැවෙන ප්‍රශ්නයක් වන නිවාස නොමැති ජනතාව සඳහා නිවාස ලබා දෙන්න විවිධ වැඩසටහන් ක්‍රියාත්මක කර ඇති බව උසස් අධ්‍යාපන නියෝජ්‍ය අමාත්‍ය නන්දිමිත්‍ර ඒකනායක මහතා පවසයි.

    (දෙවන යාවත්කාලීන කිරීම - වීඩියෝ) තාක්ෂණවේදය පාසල්  විෂයධාරවට හඳුන්වාදීමත් සමඟ පාසලයි වැඩපොළයි අතර පාලම් නිර්මාණය කිරීමට රජය සමත්වූ බවත් ඉතිහාසයේ පළමු වරට විරුකියාව 5%කට වඩා අඩු වී තිබෙන බවත් යෞවන කටයුතු හා නිපුණාත සංවර්ධන අමාත්‍ය ඩලස් අලහප්පෙරුම මහතා පවසයි.

    (දෙවන යාවත්කාලීන කිරීම - වීඩියෝ) මෙරට ජනගහනයෙන් 28%ක් සිටින්නේ තරුණයන් බවත් එම තරුණ ප්‍රජාව ගොඩනැංවීමට, ඔවුන්ගේ විශ්වාසය ගොඩනැංවීමට මේ රජය තරුණ ප්‍රතිපත්තියක් පවා හඳුන්වාදී තිබෙන බවත් කෑගල්ල දිස්ත්‍රික් මන්ත්‍රී කනක හේරත් මහතා පවසයි.

    පවතින අධ්‍යාපන ක්‍රමවේදය යටතේ උපාධිය ලබා ගත් වැඩි ම තරුණ පිරිසක් රාජ්‍ය සේවය සඳහා බඳවා ගත්තේ මහින්ද රාජපක්ෂ ජනාධිපතිතුමා පමණක් බවත් 52,000ක් එකවර රාජ්‍ය සේවයට බඳවා ගත් බවත් පාර්ලිමේන්තු මන්ත්‍රී ශාන්ත බණ්ඩාර මහතා පවසයි.

    වසර 30ක යුද්ධයෙන් බැට කෑ උතුරු ප්‍රදේශයේ තරුණ තරුණියන්ගේ අනාගතය සඳහා වෘත්තීය පුහුණු මධ්‍යස්ථාන 07ක් උතුරේ ආරම්භ කිරීමට නියමිත බවත් යුනිසෙෆ් ආධාර යටතේ මන්නාරමේ නව කාර්මික විද්‍යාලයක් ද ජර්මන් ආධාර යටතේ කිලිනොච්චියේ අංග සම්පූර්ණ වෘත්තීය පුහුණු මධ්‍යස්ථානයක් ද ඉදිකර ඇති බවත් අධ්‍යාපන නියෝජ්‍ය අමාත්‍ය හා යෞවන කටයුතු හා නිපුණතා සංවර්ධන අමාත්‍යාංශයේ අධීක්ෂණ මන්ත්‍රී මොහාන් ලාල් ග්‍රේරු මහතා පවසයි.

    නවතම පුවත්

    dgi log front

    electionR2sin

    recu

    Desathiya