එංගලන්තය සමඟ ටෙස්ට් තරඟාවලියකට සහභාගිවීම සදහා ශ්‍රී ලංකා ටෙස්ට් කණ්ඩායම අගෝස්තු සහ සැප්තැම්බර් මාස වලදී එංගලන්තයේ තරඟ සංචාරයකට නියැළීමට නියමිත බව ශ්‍රී ලංකා ක්‍රිකට් ආයතනය විසින් නිවේදනය කර තිබේ.
ICC ටෙස්ට් ලෝක ශූරතාවලිය යටතේ පැවැත්වෙන මෙම තරඟාවලිය සඳහා ටෙස්ට් තරග 3 ක් ඇතුළත්වේ.
පළමු ටෙස්ට් තරඟය අගෝස්තු 21 වැනිදා මැන්චෙස්ටර්හි ඕල්ඩ් ට්‍රැෆර්ඩ් ක්‍රීඩාංගණයේදී ආරම්භ වීමට නියමිත අතර ඊට පෙර ශ්‍රී ලංකා කණ්ඩායම සිව්දින පුහුණු තරඟයකට සහභාගිවීමට නියමිතව ඇත.
තරඟාවලියේ දෙවන ටෙස්ට් තරඟය අගෝස්තු මස 29 වැනිදා ලන්ඩන්හි ලෝර්ඩ්ස් ක්‍රීඩාංගණයේදීත්, තෙවැනි සහ අවසන් ටෙස්ට් තරඟය සැප්තැම්බර් 06 වැනිදා ලන්ඩන්හි කියා ඕවල් ක්‍රීඩාංගණයේදී ආරම්භ වීමට නියමිතයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
