මේ ආණ්ඩුවට පළාත් සභාවල මුදල් පාලනය කිරීමේ අවශ්‍යතාවක් තිබුණේ නෑ.මේ සතිය ඇතුළත ප්‍රායෝගික විසඳුමක් ලබාදෙන බව ජනාධිපතිතුමා ප්‍රකාශ කළා යැයි පළාත් සභා හා පළාත් පාලන අමාත්‍ය ෆයිසර් මුස්තාෆා මහතා පවසයි.

සෞදි අරබියේ දී ගල් ගසා මරාදැමීමේ දඬුවමට ලක්ව සිටින  ශ්‍රී ලාංකික කාන්තාව සම්බන්ධ නඩුව නැවත විවෘත කිරීමට තීරණය කර තිබෙන බවත් කාන්තාව වෙනුවෙන් නඩු තීන්දුව වෙනස් කරගැනීමට උපරීම උත්සහය දරන බවත් විදේශ කටයුතු නියෝජ්‍ය අමත්‍ය ආචාර්ය හර්ෂ ද සිල්වා මහතා අද (08) පාර්ලිමේන්තුවේ දී ප්‍රකාශ කළේ ය.

පළාත් රාජ්‍ය සේවය විධිමත් ලෙස ස්ථාපිත කිරීමේ අවශ්‍යතාව පවතින බවත් රටේ පළාත් පාලන ආයතන ක්‍රියාත්මක කරන්නට විධිමත් ලෙස සුදුසුකම් තිබෙන නිලධාරීන්ගෙන් සමන්විත පළාත් පාලන සේවයක් රාජ්‍ය සේවයට යළිත් එකතු කළ යුතු බවත්පාර්ලිමේන්තු ප්‍රතිසංස්කරණ සහ ජනමාධ්‍ය නියෝජ්‍ය අමාත්‍ය කරුණාරත්න පරණවිතාන මහතා පවසයි.

රටපුරා තිබෙන අවිධිමත් නාගරික සංවර්ධනය, විධිමත් නාගරික සංවර්ධනයක් බවට පත් කිරීමට කටයුතු කරන බවත් එහිදී උපායමාර්ගික නගර කීපයක් හදුනාගෙන තිබෙන බවත් මහා නගර හා බස්නහිර සංවර්ධන අමාත්‍ය පාඨලී චම්පික රණවක මහතා පවසයි.