බෙංගාල බොක්ක මුහුද ආශ්‍රිතව පැවති අඩු පීඩන කලාපය පීඩන අවපාතයක් දක්වා වර්ධනය විය හැකි බවත් එහි බලපෑම මත ඊසාන දිග සහ උතුරු පළාත්වලට අද රාත්‍රියේ සිට ඉදිරි දින කිහිපයේ අධික වර්ෂාපතනයක් ඇති විය හැකි බවත් ,මේ හේතුවෙන් ගංගා ද්‍රෝණි 10ක ගංවතුර අවදානම තවදුරටත් ඉහළ යා හැකි බව වාරිමාර්ග අධ්‍යක්ෂ එස්.පී.සී. සුගීෂ්වර මහතා පවසයි.
ගංගා ද්‍රෝණි 10ක ගංවතුර අවදානම තවදුරටත් පවතින බැවින් ඒ ආශ්‍රිත පදිංචිකරුවන් දැඩි අවදානයෙන් සිටින ලෙස ඒ මහතා වැඩිදුරටත් පවසයි.
මේ සම්බන්ධයෙන් අනතුරු නිවේදන නිකුත් කර ඇතිබවත්, එබැවින් එම ගංගා ද්‍රෝණිවල ගංවතුර නිම්නවල පදිංචි මහජනතාව සහ එම ප්‍රදේශ හරහා ගමන් කරන ජනතාවගෙන් මේ සම්බන්ධයෙන් දැඩි අවධානයක් යොමුකරන ලෙස වාරිමාර්ග දෙපාර්තමේන්තුව ඉල්ලා සිටියි.
උසස් පෙළ විභාගයට පෙනී සිටින දරුවන්ගේ දෙමව්පියන්ද මේ සම්බන්ධයෙන් දැඩි අවධානයෙන් පසු වන්නැයි ඒ මහතා විශේෂයෙන් සඳහන් කළේය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
