සෞදි අරබියේ දී ගල් ගසා මරාදැමීමේ දඬුවමට ලක්ව සිටින ශ්‍රී ලාංකික කාන්තාව සම්බන්ධ නඩුව නැවත විවෘත කිරීමට තීරණය කර තිබෙන බවත් කාන්තාව වෙනුවෙන් නඩු තීන්දුව වෙනස් කරගැනීමට උපරීම උත්සහය දරන බවත් විදේශ කටයුතු නියෝජ්‍ය අමත්‍ය ආචාර්ය හර්ෂ ද සිල්වා මහතා අද (08) පාර්ලිමේන්තුවේ දී ප්‍රකාශ කළේ ය.
මේ සම්බන්ධයෙන් දීර්ඝ සාකච්ඡාවක් කළා.සෞදි අරබියේ රියාද් අගනුවර ඇපෑල් අධිකරණයෙන් ලැබුණු මතය ප්‍රාදේශීය අධිකරණය
දැනුවත් කර තිබුණා.ඒ දැනුවත් කිරීම මත අපේ මැදිහත් වීම හරහා නීතිඥ උපදෙස් අනුව නැවත මෙම නඩුව විවෘත කරන්නට තීරණය
කර තිබෙනවා. එය අප ලද ජයග්‍රහනයක්.
විදේශ කටයුතු අමාත්‍යාංශය සියලුම වියදම් දරමින් මෙම කාන්තාව වෙනුවෙන් උපරීම උත්සහය දරනවා,මෙම නඩු තීන්දුව වෙනස් කර ගැනීමට යැයි ද නියෝජ්‍ය අමාත්‍යවරයා ප්‍රකාශ කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
