ලෝකයේ රටවල් අතුරෙන් අප ජීවත්වන ශ්‍රී ලංකාව, භූගෝලීය පිහිටීම අතින් ඉතා වැදගත් මෙන් ම ඉතා සුන්දර, මනරම් දිවයිනකි. එම සුන්දරත්වයට විශාල රුකුලක් වන්නේ අප රට සතු ජල සම්පතයි. ජල සම්පත සුරැකීමේ බලවත් වගකීම වටහා ගත් එකල ශ්‍රී ලාංකීය රජවරුන් ජල සම්පත සුරැකීම පිළිබඳ විශාල කාර්යභාරයක් ඉටුකළේ ඉතා සුන්දර පරිසරයක් අපහට දායාද කරමිනි. එයින් පෝෂණය වූ එකල ලංකාව පෙරදිග ධාන්‍යාගාරය බවට ප්‍රචලිත වූයේ නම් එය නිවැරදි බව කිව හැකිය.