ජපන් තානාපති කාර්යාලයේ Grant Assistance for Grassroots human Security project (GGP) ව්‍යාපෘතියක් වශයෙන් ගාල්ල මහනගර සභාවේ කසල කළමණාකරණ ඒකකය වෙත කම්පැක්ටර් රථ 04ක් සහ ඩම්ප් ට්‍රක් රථයක් නිල වශයෙන් ගාල්ල නාගරික කොමසාරිස් වෙත ලබා දීම (08) ගාල්ල මහනගර සභා පරිශ්‍රයේ දී සිදු විය.
මෙම ව්‍යපෘතිය සඳහා රුපියල් මිලියන 15 ක මුදලක් ජපන් රජය විසින් යොදවා ඇත. ගාල්ල නාගරික කොමසාරිස් වාසනා පී ගුණරත්න මහත්මිය වෙත මෙම රථවල යතුරු භාර දීම ජපන් තානාපති කාර්යාලයේ මෙහෙයුම් නියෝජ්‍ය අධ්‍යක්ෂ කොජී යාගි මහත්මා විසින් සිදුවිය.
මේ අවසථාව සඳහා සුගුරු ඉසී, ඉචිරෝ අඔකි, මසෆුමි යමඩ යන මහත්වරුන්ද එක්ව සිටි අතර, පළාත් පාලන කොමසාරිස් රනිල් වික්‍රමසේකර මහතාද එක්ව සිටියේ ය. 2013 වසරේද මෙවැනි ම කම්පැක්ටර් රථ 05ක් ගාල්ල මහ නගර සභාව වෙත ජපාන රජය විසින් පරිත්‍යාග කොට ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
