සවස 4.00 වන විට ඡන්ද විමසීම් කටයුතු අවසන් වන බැවින් අවසාන වෙලාවේ දී ඡන්දය ලබා දීමට පැමිණීමෙන් දිගු පෝලිම් ඇති වී තදබදයක් ඇති වීමට හැකි බැවින් මෙම ඉල්ලීම කරන බව දිස්ත්‍රික් තේරීම්භාර නිලධාරීවරයා සඳහන් කරයි.
එමෙන්ම, අබාධිත ඡන්ද දායකයින්ට විශේෂ වැඩපිළිවෙළක් ද සකස් කර ඇති අතර විශේෂයෙන් දෘශ්‍යබාධිත පුද්ගලයින් සඳහා ඔවුන්ගේ ඡන්දය භාවිතා කිරීමට සහාය සඳහා සහයකයෙකු රැගෙන යා හැකි බව ද පැවසු ඒ මහතා ඒ සඳහා ග්‍රාම නිලධාරීවරයා විසින් සහතික කළ පෝරමය හා වෛද්‍යවරයා සහතික කළ වෛද්‍ය සහතිකය ද රැගෙන යාම අනිවාර්ය වන බව ද පැවසිය.
ශාරීරික අපහසුතා ඇති පුද්ගලයින් වෙනුවෙන් බාධාවකින් තොරව ඔවුන්ට ඡන්දය සලකුණු කිරීම සඳහා සියලු ඡන්ද මධ්‍යස්ථාන අසල ත්‍රිරෝද රථයක් ද ස්ථාපිත කර තිබෙන බව ද ඒ මහතා වැඩිදුරටත් සඳහන් කළේය.
අම්පාර දිස්ත්‍රික්කයේ මෙවර ජනාධිපතිවරණය සඳහා ඡන්ද දායකයින් 555,432 දෙනෙක් සුදුසුකම් ලබා ඇති අතර, මධ්‍යස්ථාන 528 ක දි ඡන්දය ප්‍රකාශ කිරිමට පහසුකම් සලසා තිබේ.
