කෑගල්ල දිස්ත්‍රික් ලේකම් චන්ද්‍රසිරි බණ්ඩාර මහතාගේ කැඳවීමෙන් පැවති දිස්ත්‍රික් සම්බන්ධීකරණ කමිටු රැස්වීමේදී ඇය මේ බව ප්‍රකාශ කළ අතර ජනාධිපති මෛත්‍රීපාල සිරිසේන මහතාගේ සංකල්පයක් අනුව මෙම වැඩසටහන ක්‍රියාත්මක කෙරේ.
දිස්ත්‍රික්කයේ ප්‍රාදේශිය ලේකම් කොට්ඨාස 11 තුළම මෙම වැඩසටහන ක්‍රියාත්මක කෙරන බව සඳහන් කළ අනෝමා විජේරත්න මහත්මිය සැම ප්‍රාදේශිය ලේකම් කොට්ඨාසයකින්ම ග්‍රාම නිලධාරී වසම් 02 ක් තෝරා ගැනීම සිදු වන බව ද පැවසීය.
දිළිඳුකමේ දරිද්‍රතා නිර්ණායකය පදනම් කරගෙන එම තෝරාගැනීම සිදු කරන බවත් මෙම වැඩසටහන තුළින් ග්‍රාමීය ජනතාවගේ විවිධ ප්‍රශ්න ගැටලු සහ සුබසාධන සේවාවන් රැසකට විසඳුම් ලැබෙන බවත් ඇය වැඩිදුරටත් පැවසුවාය.
දිස්ත්‍රික් සම්බන්ධිකරණ කමිටු රැස්වීම සම සභාපතීවරුන් වන විදුලිබල හා පුනර්ජනනීය බලශක්ති අමාත්‍ය රංජිත් සියඹලාපිටිය මහතා සහ කෑගල්ල දිස්ත්‍රික් පාර්ලිමේන්තු මන්ත්‍රි සුජිත් සංජය පෙරේරා මහතාගේ ප්‍රධානත්වයෙන් පැවැත්විණි.
මෙම අවස්ථාවට ආයෝජන ප්‍රවර්ධන අමාත්‍ය කබීර් හෂිම් මහතා ඇතුව ප්‍රාදේශිය ලේකම්වරුන්, ආයතන හා දෙපාර්තමේන්තු ප්‍රධානීන් , මාධ්‍යවේදීන් පිරිසක් සහභාගී වී සිටියහ.
