ආබාධ සහිත තැනැත්තන්ගේ ක්‍රිඩා හැකියාවන් වර්ධනය කිරීමත් එමගින් ඔවුන් ජාතික හා ජාත්‍යන්තර තලයට රැගෙන යාමත් අරමුණු කරගෙන කුරුණෑගල දිස්ත්‍රික්කයේ ආබාධ සහිත වුවන් අතර පවත්වන ලද මලල ක්‍රීඩා තරගාවලිය පසුගියදා වැහැර ක්‍රිඩාංගනයේ දි පැවැති බව කුරුණෑගල දිස්ත්‍රික් මාධ්‍ය ඒකකය සඳහන් කරයි.
කුරුණෑගල දිස්ත්‍රික්කයේ ප්‍රාදේශිය ලේකම් කොට්ඨාස 30ක් නියෝජනය කරමින් ක්‍රීඩක ක්‍රීඩිකාවන් 450 ක් තරග ඉසව් සඳහා සහභාගි වූහ.
පූර්ණ අන්දතාවයෙන් යුත් පුද්ගලයින්ගේ ද දිවිමේ තරග, යගුලිය විසි කිරිම, හෙල්ල විසි කිරීම, රෝද පුටු තරගය, මෙහිදි කැපී පෙනුණ තරග අතර විය.
සමාජ සේවා දෙපාර්තමේන්තුවේ කුරුණෑගල දිස්ත්‍රික් කාර්යාලය මගින් සංවිධානය කළ එම වැඩසටහන කුරුණෑගල අතිරේක දිස්ත්‍රික් ලේකම් කමල් අමරසිංහ මහතාගේ ප්‍රධානත්වයෙන් පැවැත්විණ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
