පෙරහැර කාල සීමාව තුළ පෙරහැර නැරඹීම සඳහා මහනුවරට පැමිණෙන බැතිමතුන් උදෙසා මධ්‍යම පරිසර අධිකාරිය මගින් මෙම වැඩසටහන වර්ෂිකව සංවිධනය කරයි.
ඒ අනුව දළදා පෙරහැර පවත්වන කාල සීමාවේ පරිසරය රැක ගැනීමේ වැදගත්කම සහ පරිසරය ආරක්ෂා කර ගැනීම අරමුණු කොට ගනිමින් පාසල් නියමු භටයන්ගේද සහාය ඇතිව මධ්‍යම පරිසර අධිකාරිය මඟින් වැඩසටහන් රැසක් දියත් කරයි. ශ්‍රමදාන පවත්වමින් පරිසරය පිරිසිදු කිරීම, වීදි නාට්‍ය, අත් පත්‍රිකා සහ ශබ්ද විකාශන යොදා ගෙන පෙරහැර නැරඹීමට පැමිණෙන පුද්ගලයන් දැනුවත් කිරීම ඇතුළු තවත් පාරිසරික ක්‍රියාකාරකම් රැසක් මෙම වැඩසටහන යටතේ සිදු කරනු ලැබේ.
මෙම උත්සවයේ දී පරිසරය රැක ගැනීමේ අරමුණින් මෙම වැඩසටහනට දායකත්වය දැක්වූ පාසල් නියමු භටයින් සහ ගුරුවරුන් සිදු කළ මෙම සේවය ඇගයීම සිදු කෙරේ.
මධ්‍යම පළාත් ආණ්ඩුකාර නිලූකා ඒකනායක මහත්මියගේ ප්‍රධානත්වයෙන් පැවැත්වෙන මෙම අවස්ථාව සදහා මධ්‍යම පළාත් ප්‍රධාන අමාත්‍ය සරත් ඒකනායක සහ මහවැලි සංවර්ධන හා පරිසර නියෝජ්‍ය අමාත්‍ය අනුරාධ ජයරත්න යන මහත්වරු ඇතුළු සම්භාවනීය පිරිසක් සහභාගී වීමට නියමිතය.
