රත්නපුර දිස්ත‍්‍රික් පාර්ලිමේන්තු මන්ත‍්‍රී ඒ. ඒ. විජේතුංග මහතාගේ ඉල්ලීම පරිදි පැවැත් වූ මෙම සාකච්ඡාවේ දී එම ප‍්‍රදේශවලට ගොස් එම ජනතාව හමු වී අදහස් ලබා ගෙන ගැටළු නිරාකරණය කිරීමට තීරණය විය. ඒ අනුව අගෝස්තු 06දා පෙරවරු 09.00 ට රත්නපුර මිහිදු විද්‍යාලයේ දී සහ එදින පස්වරු 02.00 ට කුරුවිට කටුතියඹරාව විහාරස්ථානයේ දී ඉඩම් ප‍්‍රතිසංස්කරණ කොමිෂන් සභාව සතු ඉඩම්වල ජීවත්වන පදිංචිකරුවන් හමුවීමට නියමිතය.
මෙම අවස්ථාවට රත්නපුර දිස්ත‍්‍රික් පාර්ලිමේන්තු මන්ත‍්‍රී ඒ. ඒ. විජේතුංග, ඉඩම් අමාත්‍යාංශයේ අතිරේක ලේකම් දයාරත්න, ඉඩම් කොමසාරිස් ජනරාල් චන්ද්‍රා හේරත් සහ ඉඩම් ප‍්‍රතිසංස්කරණ කොමිෂන් සභාවේ සභාපති සම්පත් සුබසිංහ ආරච්චි යන මහත්ම මහත්මීන් ඇතුළු රත්නපුර දිස්ත‍්‍රික්කයේ රාජ්‍ය නිලධාරීන් සහභාගී වීමට නියමිතය.
