එම ව්‍යාපෘතියේ ඉදිරි පර්යේෂණ හා සංවර්ධන අදියරේදී සහ නිෂ්පාදන අදියරේදී භාවිතයට ගැනෙන රසායනිකයන්හි පාරිසරික සහ විෂ ලක්ෂණයන් පිළිබඳ මනා දැනුමැති ශ්‍රී ලාංකික විශේෂඥයෙකුදමේ දිනවල චීනයෙහි නිල සංචාරයෙහි යෙදී තිබේ. ජූලි 24, 25 යන දිනයන්හිදී විද්‍යා, තාක්ෂණ හා පර්යේෂණ අමාත්‍ය සුසිල් ප්‍රේමජයන්ත මහතා සහ ජාතික විද්‍යා පදනමේ මහාචාර්ය සිරිමලී ප්‍රනාන්දු සහ ජාතික මූලික අධ්‍යන ආයතනයේ මහාචාර්ය ලක්ෂ්මන් දිසානායක, ඉංජිනේරු අංජුලා ශිවකුමාර් යන නිලධාරීන් චීනයේ හැන්ග්සුහි පිහිටා ඇති Advanced Solar Power (ASP) යනු මේ හා සමාන සූර්ය කෝෂ /පැනල වාණිජ මට්ටමින් නිෂ්පාදනය කෙරෙන ස්ථානයෙහි නිරීක්ෂණ චාරිකාවෙහි යෙදිණ.
මෙම චාරිකාවට සමගාමීව එරටින් ලැබෙන තොරතුරු අනුව ඉතා නුදුරේදීම පුනර්ජනනීය බලශක්තිය යටතේ වාණිජ මට්ටමින් සූර්යකෝෂ නිපදවීමේ තාක්ෂණය ශ්‍රී ලංකාවට හඳුන්වා දීමට විද්‍යා, තාක්ෂණ හා පර්යේෂණ අමාත්‍යාංශය මගින් ගනු ලබන ක්‍රියාමාර්ග මගින් එම ක්ෂේත්‍රයෙහි විශාල පෙරළියක් සිදුවනු ඇති බවට තොරතුරු ප්‍රකාශ වෙමින් පවතී.
