දිවයිනේ තැනින් තැන විශේෂයෙන් අද(17) සවස 04.00 න් පමණ පසු ගිගුරුම් සහිත වැසි ඇතිවිය හැකි බව කාලගුණවිද්‍යා දෙපාර්තමේන්තුව පවසයි.

අයහපත් කාලගුණය හේතුවෙන් ආපදාවට පත් ජනතාව පිළිබඳ තොරතුරු ලබාගෙන ඔවුන් වෙනුවෙන් අවශ්‍ය සහන ලබාදීම දැනටමත් ආරම්භ කර ඇතැයි ආපදා කළමනාකරණ අමාත්‍ය අනුර ප්‍රියදර්ශන යාපා මහතා රජයේ නිලපුවත් වෙබ් අඩවියට පැවසී ය.

පවතින අයහපත් කාලගුණ තත්ත්වය හේතුවෙන් දිවයිනේ දිස්ත්‍රික්ක ගණනාවක ජනතාව පීඩාවට පත්ව සිටින බවත් මේ වනවිට ඔවුන් වෙනුවෙන් ආහාර පාන ඇතුළු සියලු අවශ්‍ය පහසුකම් ලබාදෙමින් සිටින බව ආපදා කළමනාකරණ මධ්‍යස්ථානයේ මාධ්‍ය සම්බන්ධීකාරක ප්‍රදීප් කොඩිප්පෙලි මහතා පවසයි.