පවතින අයහපත් කාලගුණ තත්ත්වය හේතුවෙන් දිවයිනේ දිස්ත්‍රික්ක ගණනාවක ජනතාව පීඩාවට පත්ව සිටින බවත් මේ වනවිට ඔවුන් වෙනුවෙන් ආහාර පාන ඇතුළු සියලු අවශ්‍ය පහසුකම් ලබාදෙමින් සිටින බව ආපදා කළමනාකරණ මධ්‍යස්ථානයේ මාධ්‍ය සම්බන්ධීකාරක ප්‍රදීප් කොඩිප්පෙලි මහතා පවසයි.
ආපදා කළමනාකරණ මධ්‍යස්ථානය උදැසන නිකුත් කළ වාර්තාවට අනුව වර්ෂාව හා ගංවතුර හේතුවෙන් පවුල් 38752ක් පීඩාවට පත්ව සිටින අතර පුද්ගලයන් 135338ක් පීඩාවට පත්ව සිටිති.පූර්ණ නිවාස හානි 63ක් හා අර්ධ නිවාස හානි 1198ක් හානියට පත්ව තිබේ.
මේ වනවිට ආපදාවට ලක්වූ ප්‍රදේශවල ජනතාව ආරක්ෂිත ස්ථාන 99ක ස්ථානගතවී සිටින අතර පවුල් 4169ක් සහ පුද්ගලයන් 15036ක් මෙසේ ආරක්ෂිතව සිටින බව ආපදා කළමනාකරණ මධ්‍යස්ථානය පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
