බෙංගාල බොක්ක ප්‍රදේශයේ පැවති පීඩන අවපාතය දුර්වල වී අඩු පීඩන කලාපයක් බවට පත්වී එය ශ්‍රී ලංකාවෙන් ඉවතට ගමන් කර අද(16) දින සවස හෝ රාත්‍රී කාලයේ තමිල්නාඩු වෙරළින් ඉන්දියාවට ඇතුළු වනු ඇතැයි අපේක්ෂා කරන බව කාලගුණවිද්‍යා දෙපාර්තමේන්තුව නිකුත් කළ කාලගුණ අනාවැකියේ සඳහන් වෙයි.
අද (16) මධ්‍යහාන 12ට නිකුත් කළ කාලගුණ අනාවැකියේ සඳහන් වන පරිදි දිවයින පුරා පවතින වැසි සහිත කාලගුණ තත්ත්වය අද සිට යම් තාක් දුරකට අඩු වනු ඇතයි අපේක්ෂා කෙරේ.
දිවයිනෙහි උතුරු පළාතේ සහ නිරිතදිග වෙරළබඩ ප්‍රදේශවල තැනින් තැන වැසි හෝ ගිගුරුම් සහිත වැසි ඇති වේ. අනෙක් පළාත්වල විශේෂයෙන් සවස 02.00 න් පමණ පසු ගිගුරුම් සහිත වැසි ඇතිවිය හැකි බවද කාලගුණ අනාවැකිය නිවේදනය කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
