ජාතික ක්‍රීඩා විද්‍යා ආයතනය මගින් පවත්වනු ලැබූ ශරීර සුවතා උපදේශකවරුන් පුහුණු කිරීමේ, පුහුණුකරු කුසලතා සංවර්ධන හා ක්‍රීඩා විද්‍යා සහතිකපත්‍ර යන පාඨමාලාවල සහතිකපත් ප්‍රදානය ජනවාරි 12 දින සිදු කෙරේ.

ජනාධිපති මෛත්‍රීපාල සිරිසේන මැතිතුමා ජනාධිපති ධූරයට පත්ව වසරක් සපිරීම නිමිත්තෙන් එතුමාට සහ රජයට ආශිර්වාදය පළ කරමින් සර්ව රාත්‍රික පිරිත් පිංකම් මාලාවක් රැය පහන්වනතුරු ජනාධිපති කාර්යාලයේදී පැවැත්විණි.

මෛත්‍රීපාල සිරිසේන මැතිතුමා ජනපති වී වසරක් සපිරීම නිමිත්තෙන් ජනතාවගේ ප්‍රශ්න කෙළින්ම ජනපතිට යොමු කිරීම සඳහා ‘ජනපති හද බිම - ජනපතිට කියන්න‘ වැඩසටහන ජනාධිපති මෛත්‍රිපාල සිරිසේන මැතිතුමාගේ ප්‍රධානත්වයෙන් ඇරැඹීය.

අතිගරු ජනාධිපතිතුමාගේ පදවි ප්‍රාප්තියෙහි වර්ෂ පූර්ණය වෙනුවෙන් අග්‍රාමාත්‍ය කාර්යාලය සංවිධානය කළ විශේෂ රුක් රෝපණ වැඩසටහනක් පසුගියදා පැවැත්වුණි.