ජනාධිපති මෛත්‍රීපාල සිරිසේන මැතිතුමා ජනාධිපති ධූරයට පත්ව වසරක් සපිරීම නිමිත්තෙන් එතුමාට සහ රජයට ආශිර්වාදය පළ කරමින් සර්ව රාත්‍රික පිරිත් පිංකම් මාලාවක් රැය පහන්වනතුරු ජනාධිපති කාර්යාලයේදී පැවැත්විණි.
ජනාධිපති කාර්යාලයීය කාර්ය මණ්ඩලය විසින් සංවිධානය කර තිබූ මෙම පිරිත් දේශනය ශ්‍රවණය කිරීම සදහා ජනාධිපති මෛත්‍රීපාල සිරිසේන මැතිතුමා මෙන්ම අග්‍රාමාත්‍ය රනිල් වික්‍රමසිංහ මහතා ප්‍රමුඛ මැතිඇමතිවරුන් ද එක්ව සිටියහ.
උදෑසන මහා සංඝරත්නය විෂයෙහි හීල් දානමය පුණ්‍ය කර්මයක් පැවැත්වුණු අතර ජනාධිපතිතුමා ඒ සදහා ද සහභාගී විය.
( ඡායාරූප - ජනාධිපති මාධ්‍ය අංශය )
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
