පවතින අයහපත් කාලගුණ තත්වය හේතුවෙන් පීඩාවට පත් ප්‍රදේශවල අධ්‍යයන පොදු සහතික පත්‍ර උසස් පෙළ විභාගයට පෙනී සිටින අපේක්ෂකයන්ට ළඟ ම පිහිටි විභාග මධ්‍යස්ථානවලදී විභාගයට පෙනී සිටි හැකි බව කැබිනට් ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පවසයි.
අමාත්‍යවරයා මේ බව පැවසුවේ අද (26) රජයේ ප්‍රවෘත්ති දෙපාර්තමේන්තුවේ පැවැති කැබිනට් තීරණ දැනුම් දීමේ මාධ්‍ය සාකච්ඡාවට එක්වෙමිනි.
ආපදා තත්වයන් ඇතිවිය හැකි ප්‍රදේශ කලින් හඳුනාගත් බැවින් එම ප්‍රදේශවල පිහිටි විභාග මධ්‍යස්ථාන වෙත වැඩිපුර ප්‍රශ්න පත්‍ර නිකුත් කර ඇති බවද අමාත්‍යවරයා වැඩිදුරටත් සඳහන් කළේය.
ඒ අනුව ගැටලුවකින් තොරව අපේක්ෂයන්ට විභාගයට පෙනී සිටිය හැකි බැවින් ආපදාවට පත් ප්‍රදේශවල විභාග අපේක්ෂකයන් සියලු දෙනාට මෙවර විභාගයට පෙනී සිටින ලෙස අමාත්‍යවරයා එහිදී ඉල්ලීමක් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
