68 වන නිදහස් දිනය සමරන මේ අවස්ථාවේ දී මෙරට ජීවත්වන සියලු ජන කොටස් සාමයෙන් එකමුතුකමින් සහ සහජීවනයෙන් ද ප්‍රීතියෙන් ද ජීවත් වන සැබෑ නිදහසේ වාතාවරණයක් ගොඩනැඟීමේ වගකීම සඳහා සියලු බේද ඉවත දමා එකට එකමුතුවීමේ අවශ්‍යතාවය ගැන සැමගේ අවධානය යොමු කරවන්නට කැමැති බව කොළඹ අගරඳගුරු අති උතුම් මැල්කම් කාදිනල් රංජිත් හිමිපාණෝ පවසති.

මාර්ග අනතුරු බහුල වශයෙන් සිදුවන්නේ යතුරු පැදිවලට බවත් ඒ හේතුවෙන් යතුරු පැදි කරුවන්ගේ මුහුණට සහ හිසට අනතුරු සිදුවන බවත් සම්පූර්ණයෙන් ම ආවරණය වූ හිස් වැසුම් භාවිතයෙන් අනතුරු අවම කරගත හැකි බව කොළඹ දන්තායතනයේ, මුඛ හනුක හා වක්ත්‍ර ශල්‍ය වෛද්‍ය පද්මා සිල්වා මහත්මිය පවසයි.

පිළිකාව අපේ රටට තිබෙන ප්‍රධාන අභියෝගයක්.නීත්‍යානුකූල නොවන දුම් කොළ භාවිතය පාලනය කිරීමට වැඩසටහනක් ආරම්භ කර තිබෙනවා යැයි සෞඛ්‍ය සේවා අධ්‍යක්ෂ ජනරාල් විශේෂඥවෛද්‍ය පාලිත මහීපාල මහතා පවසයි.

මහරගම පිහිටි ජාතික පිළිකා රෝහල මේ වසරේ දී ''අපේක්ෂා රෝහල'' ලෙස නම් කෙරෙන බව ජාතික පිළිකා මර්දන වැඩසටහනේ අධ්‍යක්ෂ විශේෂඥ වෛද්‍ය සුදත් සමරවීර මහතා පැවසී ය.