ජපානයේ රැකියා සඳහා ශ්රී ලාංකිකයින්ට ද අවස්ථාව සලසා ගැනීමට හැකි වන පරිදි දෙරට අතර සහයෝගිතා ගිවිසුමකට එළඹීම පිණිස විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා ඉදිරිපත් කළ යෝජනාවට අමාත්ය මණ්ඩයේ අනුමැතිය හිමි වී තිබේ.
ජනගහනය අඩු වීම, වයස්ගත ජනගහනය ඉහළ යාම සහ දේශීය ශ්රම බලකාය අඩු වීම හේතුවෙන් ජපාන ආර්ථිකයේ ප්රධාන ක්ෂේත්ර සඳහා අවශ්ය නිපුණතා සහ අර්ධ නිපුණතා සහිත මානව සම්පත් සපයා ගැනීම පිණිස ජපාන රජය විසින් විදේශීය ශ්රමයන් සපයා ගැනීම පිණිස ක්රමවේද කිහිපයක් හඳුන්වා දී තිබේ. ඒ අනුව, 2017 වසරේදී සහ 2019 වසරේදී අමාත්ය මණ්ඩලයේ අනුමැතිය සහිතව ශ්රී ලංකාව සහ ජපානය අතර අත්සන් කරනු ලැබූ සහයෝගිතා ගිවිසුම් යටතේ ශ්රී ලාංකික ශ්රමිකයින් ජපානයේ技術 සීමාවාසික පුහුණු වැඩසටහන සහ නිශ්චිත පුහුණු සේවකයන් පිළිබඳ වැඩසටහන යටතේ සේවයේ නියුක්තව සිටී.
වඩාත් විනිවිද භාවයෙන් යුත් ශ්රමික කේන්ද්රීය සහ තිරසර ශ්රමික සංචලන රාමුවක් සහිතව 'කුසලතා සංවර්ධනය සඳහා වන රැකියා වැඩසටහන' නමින් නව වැඩසටහනක් 2027-04-01 දින සිට ක්රියාත්මක වන පරිදි හඳුන්වා දීමට ජපාන රජය තීරණය කරනු ලැබ ඇත. ඒ යටතේ ශ්රමිකයන්ට ඉහළ ආරක්ෂාවක් සැපයීම, වඩාත් පැහැදිලි වෘත්තීය මාවතක් නිර්මාණය කිරීම සහ නිශ්චිත පුහුණු සේවකයින් පිළිබඳ වැඩසටහන වෙත මාරු වීමට අවස්ථාව ලබා දීමට අදාළ විධිවිධාන සලසා තිබේ.
