ආගමන හා විගමන දෙපාර්තමේන්තුවේ යෝජිත යාපනය ප්රාදේශීය කාර්යාලය, යාපනය දිස්ත්රික් ලේකම් කාර්යාල පරිශ්රෙය්දී මෙම මාසයේදී ස්ථාපිත කිරීම පිණිස මහජන ආරක්ෂක සහ පාර්ලිමේන්තු කටයුතු අමාත්යතුමා ඉදිරිපත් කළ යෝජනාවට අමාත්ය මණ්ඩල අනුමැතිය හිමි විය.
ශ්රී ලංකාවේ වැඩිම දිස්ත්රික්ක ප්රමාණයක් ඇතුළත් වන උතුරු පළාතේ වවුනියාව දිස්ත්රික්කය තුළ දැනට ආගමන හා විගමන දෙපාර්තමේන්තුවේ ප්රාදේශීය කාර්යාලයක් ස්ථාපිත කර ඇත. යාපනය, කිලිනොච්චි හා මුලතිවු යන දිස්ත්රික්ක වල වෙසෙන ජනතාවට ආගමන හා විගමන කටයුතු ආශ්රිත සේවාවන් ලබාගැනීම උදෙසා වවුනියාව ප්රාදේශීය කාර්යාලය වෙත ගමන් කිරීමේදී විශාල කාලයක් වැය කිරීමට සිදුවේ.
උතුරු පළාතේ ජනතාව විශාල වශයෙන් විදේශ ගමන් බලපත්ර ඉල්ලුම් කර ඇති බැවින්, ඔවුන් සඳහා කඩිනම් සේවාවක් ලබාදීම පිණිස මෙලෙස යාපනය දිස්ත්රික්කයේද ආගමන හා විගමන දෙපාර්තමේන්තුවේ ප්රාදේශීය කාර්යාලයක් ආරම්භ කිරීම සුදුසු බව 2025/01/31 දින ජනාධිපතිතුමාගේ ප්රධානත්වයෙන් පැවති යාපනය දිස්ත්රික් සම්බන්ධීකරණ කමිටුවේදී යෝජනා වී ඇත.