ශ්‍රී ලංකාවට මියන්මාර රජයෙන් පැසසුම්

ශ්‍රී ලංකාවට මියන්මාර රජයෙන් පැසසුම්
  • SocialShare:

මියන්මාරයේ භූ කම්පනයෙන් පීඩාවට පත්ව සිටින ජනතාවට හදිසි ප්‍රතිකාර ලබා දීම සඳහා වෛද්‍යවරු කණ්ඩායමක් මියන්මාරයට යැවීමට දැක් වූ උනන්දුව, හදිසි සහන සහ මානුෂීය ආධාර මියන්මාරයට ලබා දීමට ශ්‍රී ලංකාව ඉදිරිපත් වීම පිළිබඳව ද ශ්‍රී ලංකා රජයට සහ මහජනතාවට මියන්මාර විදේශ අමාත්‍ය Than Swe මහතා සිය කෘතඥතාවය පළ කර තිබේ.


ශ්‍රී ලංකා රජය මියන්මාරයට සහ එරට ජනතාවට නිල වශයෙන් යොමු කළ ශෝක පණිවුඩයට ප්‍රතිචාරයක් දක්වමින් ඒ මහතා මේ බව පවසා ඇත.
ශ්‍රී ලංකාවේ විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා සමග දුරකතනය ඔස්සේ සම්බන්ධ වෙමින් අද (02) ඒ මහතා මෙම අදහස් පළ කර ඇති අතර භු කම්පනයෙන් පසු මියන්මාරයේ සිදුව ඇති විනාශයෙන් ඉක්මණින් මිදීමට අවශ්‍ය ඕනෑම සහායක් ලබා දීමට සියවස් ගණනාවක සිට මිතුරු රාජ්‍යයක් වන ශ්‍රී ලංකාව සූදානම් බවත් විජිත හේරත් මහතා වැඩිදුරටත් සඳහන් කර තිබේ.

Image
Image

අප ගැන

රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි.