ජල හිගය නිසා 2016/17 වර්ෂවල මහ කන්නයේ වගා හානි සිදු වූ කුරුණෑගල දිස්ත්‍රික්කයේ ගොවීන් 48357 දෙනෙකුට වගා හානි වන්දි ගෙවා ඇති බව කුරුණෑගල කෘෂිකාර්මික හා ගොවිජන රක්ෂණ මණ්ඩලයේ සහකාර අධ්‍යක්ෂ යූ.ආර්.ඒ.කේ.සී කේමරත්න මහතා පසුගිය දා කුරුණෑගල දිස්ත්‍රික් ලේකම් කාර්යාලීය ශ්‍රවණාගාරයේ දී පැවති දිස්ත්‍රික් කෘෂිකර්ම කම්ටුවේ දී ප්‍රකාශ කළේය.
මෙම මුදල් ලංකා බැංකුව, මහජන බැංකුව , ග්‍රාමීය සංවර්ධන බැංකුව සහ ජාතික ඉතිරි කිරීමේ බැංකුව යන බැංකු හරහා ගෙවීම් කර ඇති අතර ගෙවා ඇති මුලු මුදල රුපියල් 41,82 , 88050 කි.
මීට අමතරව පොහොර සහනාධාර නොලබා මහ කන්නයේ වගා හානි වූ ගොවීන් සදහා ද , ජලය හිගකම මත වගා නොකළ ගොවීන් සදහා ද එම කන්නයේ අතිරේක බෝග වගා කර වගා හානි වූ ගොවීන් සදහා ද වගා හානි වන්දි ගෙවීමට නියමිත බව කේමරත්න මහතා වැඩිදුරටත් ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
