පාර්ලිමේන්තුවේ මට්ටම උසස් කිරීම සඳහා , ආණ්ඩුවේ ප්‍රතිපත්ති ප්‍රකාශය පිළිබඳ විවාදය වඩාත් සාධනීය ආකාරයෙන් පවත්වාගෙන යාමට හැකි වූ බව සභානායක අමාත්‍ය බිමල් රත්නායක මහතා පැවසීය. ඒ වගේම නවක මන්ත්‍රීවරුන් වශයෙන් පාර්ලිමේන්තුවට පැමිණි බොහෝ දෙනෙක් සාධනීය ලෙස අදහස් ඉදිරිපත් කළ බව ද සභානායකවරයා පැවසීය.
ජනාධිපති අනුර කුමාර දිසානායක මහතා පසුගියදා ඉදිරිපත් කරන ලද ප්‍රතිපත්ති ප්‍රකාශය පිළිබඳ අද(04) පැවති විවාදය අවසන් කරමින් සභානායකවරයා මේ බව පැවසීය.
වැඩිදුරටත් අදහස් දක්වමින් සභානායකවරයා පැවසුවේ, අපේ රටේ ජනතාව පාර්ලිමේන්තුව හෙලා දැකපු යුගයක් තිබුනේ. නමුත් පසුගිය කාලේ තිබුන රස්තියාදු ගතිය මේ පාර්ලිමේන්තුවේ දකින්නට ලැබුනේ නැහැ. අපි විරුද්ධ පක්ෂයේ කිසිම මන්ත්‍රීවරයකු හෙලා දැක්කේ නැහැ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
