අංක 10, ඩවුනින්ග් වීදියේ බි‍්‍රතාන්‍ය අග‍්‍රාමාත්‍ය නිල නිවසේ දී ඊයේ (10) පස්වරුවේ ශ‍්‍රී ලංකා ජනාධිපතිතුමන් සමග පැවති නිල හමුවේ දී බි‍්‍රතාන්‍ය අග‍්‍රාමාත්‍යවරයා මේ බව සඳහන් කොට ඇත.
උතුරු නැගෙනහිර ජනතාව ඇතුළු සමස්ත ශ‍්‍රී ලාංකීය ජනතාවගේ නිදහස සහ අයිතිවාසිකම් ආරක්ෂා කිරීමට ක‍්‍රියාත්මක වැඩපිළිවෙළ පිළිබඳ ව මෙහිදී ජනාධිපතිතුමා විසින් බි‍්‍රතාන්‍ය අග‍්‍රාමාත්‍යවරයාගේ අවධානයට යොමු කළ අතර උතුරේ ජනතාවගේ ඉඩම් නැවත ලබාදීමටත් ජාතීන් අතර සහජීවනය සහ සංහිඳියාව ගොඩනැගීම උදෙසා ප‍්‍රතිසන්ධාන කාර්ය බලකායක් පිහිටුවීම පිළිබඳවත් මෙහිදී කරුණු සඳහන් කළේය.
මෙම කාර්ය බලකායේ වාර්තාව ලබන ජූලි මස වන විට ලබාගැනීමට නියමිත බව ද මෙහිදී වැඩිදුරටත් සඳහන් කළ ජනාධිපතිතුමා අධිකරණයේ ස්වාධීනත්වය තහවුරු කිරීමට කටයුතු කර ඇති බව ද සඳහන් කළේය.
පසුගිය ජනාධිපතිවරණයෙන් ලද විශිෂ්ට ජයග‍්‍රහණය සමගින් ශ‍්‍රී ලංකාව නව මාවතක් ඔස්සේ ගමන් ගැනීම පිළිබඳ ව සිය ප‍්‍රශංසාව පළ කළ කැමරන් අග‍්‍රාමාත්‍යවරයා ජනාධිපතිතුමන්ගේ වැඩපිළිවෙළ යටතේ උතුරු නැගෙනහිර පළාත්වල මේ වනවිට නිර්මාණය වෙමින් පවතින යහපත් තත්ත්වය පිළිබඳ ව තමන් සතුටු වන බවත් වැඩිදුරටත් සඳහන් කර සිටියේය.
DB
