ශ්‍රී ලංකා රජය වෙනුවෙන් ඒ මහතා ඇතුළු පිරිස පිළිගනු ලැබූයේ වාරිමාර්ග හා ජල සම්පත් කළමනාකරණ අමාත්‍ය නිමල් සිරිපාල ද සිල්වා හා පාර්ලිමේන්තු මන්ත්‍රී සචින් ද වාස් ගුණවර්ධන යන මහත්වරුන් විසිනි.
උප ජනාධිපති සිරිල් රම්පෝෂා මහතාගේ මෙම සංචාරය අතරතුර ජනාධිපතිතුමා ඇතුළු රජයේ දේශපාලන නායකයන් සමගත්, ඉහළ පෙළේ නිලධාරින් සමගත්, ශ්‍රී ලංකාවේ ප්‍රතිසන්ධාන ක්‍රියාවලිය පිළිබඳව සාකච්ඡා කිරීමට හා දෙරටේ අත්දැකීම් බෙදාහදා ගැනීමට කටයුතු කරනු ඇත.
අද (07) ප.ව. 05.00ට කොළඹ තාජ් සමුද්‍රා හෝටලයේදී විදේශ කටයුතු පිළිබඳ අමාත්‍ය ජී.එල්. පීරිස් සහ අප්‍රිකානු රජයේ උප ජනාධිපති සිරිල් රම්පෝෂා මහත්වරු හමුවීමට නියමිතය.
HC/WA
