ඉන්දියානු අගමැති නරේන්ද්‍ර මෝදි මහතා දෙදින නිල සංචාරයක් සඳහා හෙට(04) දිවයිනට පැමිණෙන අතර, හෙට දිනයේ ජනාධිපතිවරයා සමග ද්වී පාර්ශවික සාකච්ඡා පැවැත්වීමට නියමිත බව කැබිනට් ප්‍රකාශක සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.
ඉන්දීය අගමැතිවරයා පිළිගැනීමේ උත්සවය හෙට පෙරවරුවේ නිදහස් චත්‍රරස්‍රෙය්දී පැවැත්වේ. ඉන්පසු ජනපති අනුර කුමාර දිසානායක මහතා සමග ද්වී පාර්ශවික සාකච්ඡා පැවැත්වීමට නියමිතව අතර එම ද්වීපාර්ශවික සාකච්ඡා සම්බන්ධයෙන් මාධ්‍ය වෙත අදහස් දැක්වීම සිදුකරන බවද අමාත්‍යවරයා පැවසීය
ඉන්දීය අග්‍රාමාත්‍යවරයා විසින් සාම්පූර් සුර්යබලාගාර ව්‍යාපෘතිය ආරම්භ කිරීම, ආගමික ස්ථාන කිහිපයක් සඳහා සූර්යබල පද්ධති ලබා දීම සහ දඹුල්ල ශීතාගාරය විවෘත කිරීම ඇතුළු ව්‍යාපෘති කිහිපයක් ආරම්භ කිරීම හෙට කොළඹ සිට සිදුකෙරේ.
අනුරාධපුර සිට මහව දක්වා ඉන්දීය පරිත්‍යාගයක් ලෙස ඉදිකළ දුම්රිය සංඥා පද්ධතිය විවෘත කිරීම අනිද්දා සිදුකරන බවද අමාත්‍යවරයා පැවසීය.
